स्वास्थ्य बीमा बोर्डले एक करोड १५ लाखमा ७५२ वटा मोबाइल किनेर थन्कायो

समाचार

नेपाल लाइभ शनिबार, वैशाख २, २०८० ०८:०१

काठमाडौं- स्वास्थ्य बीमा बोर्डले एक करोड १५ लाख ८१ हजारमा ७५२ वटा मोबाइल खरिद गरेको पाइएको छ। बोर्डले बीमा दर्ता सहयोगीलाई वितरण गर्न मोबाइल खरिद गरेको हो।

बोर्डले काठमाडौं उपत्याकामा बीमा कार्यक्रम लागू गरी दर्ता सहयोगीलाई उपलब्ध गराउन भन्दै ७५२ वटा सामसङका मोबाइल खरिद गरेको जनाएको छ। बोर्डले खरिद गरेका ती मोबाइल वितरण नगरी थन्काएर राखिएको छ।

महालेखा परीक्षकको कार्यालयले बोर्डले खरिद गरेका मोबाइलका विषयमा प्रश्न उठाएको छ। कार्यालयले उपयोग नहुने गरी खरिद गर्ने कार्यमा नियन्त्रण गर्न पनि सुझाव दिएको छ।

आर्थिक कार्यविधि तथा वित्तिय उत्तरदायित्व नियमावी २०७७ को नियम ३९ र ४१ अनुसार सामानको मौज्दात गरी खरिद गर्न नहुने व्यवस्था छ। तर, बोर्डले उक्त व्यवस्था विपरीत मोबाइल खरिद गरेर थन्काएर राखेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिनिधिसभा बैठक बस्दै, यस्तो छ कार्यसूची

सल्यान महोत्सवका स्टलहरूमा आगलागी, करोडौँको सामाग्री जलेर ध्वस्त

नेपालगन्जबाट काठमाडौँ आउँदै गरेको बस चितवनमा दुर्घटना