मौलाकाली केवलकार सञ्चालनमा, ५ मिनटमै मन्दिर पुग्न सकिने

कर्पोरेट

नेपाल लाइभ शुक्रबार, वैशाख १, २०८० १६:४०

गैँडाकोट– नवलपुरको गैँडाकोटमा शुक्रबारदेखि मौलाकाली केवलकार सञ्चालनमा आएको छ।

नयाँ वर्षको अवसर पारेर शुक्रबार सेवा सुरु गरिएको मौलाकाली केवलकार व्यवस्थापन विभागका प्रमुख अभिषेक विक्रम शाहले जानकारी दिए।

शुक्रबार बिहान ६ बजेदेखि केवलकार सञ्चालनमा आएको हो। केवलकारको बटम स्टेशनबाट गैँडाकोट नगरपालिका–६ निवासी सय वर्षीया बृद्धा सरस्वती कँडेल र टप स्टेशनबाट नवलपुरका प्रमुख जिल्ला अधिकारी कृष्णप्रसाद लम्सालले पहिलो यात्रुका रुपमा यात्रा गरे।

केवलकारमार्फत् मौलाकाली मन्दिरसम्म ५ मिनेटमै पुग्न सकिनेछ। करिब दुई किलोमिटर लामो केवलकारमा १२ वटा गोन्डोला रहेका छन्। हाल केवलकारले दुईतर्फी मूल्य ५५० रूपैयाँ कायम गरिएको शाहले जानकारी दिए।

उनका अनुसार केवलकारले ३ देखि ४ फिटसम्मका बालबालिकाका लागि ३३०, विद्यार्थीहरूका लागि ४१५, जेष्ठ नागरिकहरूका लागि ४१५ र फरक क्षमता भएकाहरूका लागि २७५ रूपैयाँको टिकट दर राखिएको छ।

केवलकारले ८० वर्षमाथिका बृद्धबृद्धा र ३ फिटभन्दा कमका बालबालिकाहरूका लागि नि:शुल्क सेवा दिने जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकी डलरको भाउ बढ्यो, यस्तो छ अन्यको विनिमय दर

सुदूरपश्चिमबाट मौसम बदली सुरु, पुनःचिसो बढ्न सुरु

परराष्ट्रमन्त्री डा राणा स्वदेश फिर्ता