काठमाडौं– विश्वमा दुई पांग्रे र तीन पांग्रे सवारी साधनको प्रतिष्ठित निर्माता टिभिएसले बुधबार टिभिएस एनटर्क १२५ रेस एडिसन नयाँ मरीन ब्लू रंगमा सार्वजनिक गरेको छ।
युवा वर्गले मन पाएको उत्पादनको रातो र पहेँलो रंगसँगै नयाँ ब्लू रंगलाई पनि राखिने कम्पनीले जनाएको छ। टिभिएर एनटर्क १२५ रेस एडिसनको नयाँ स्ट्राइकिङ मरीन ब्लू कलरमा समावेश चकर्ड फ्ल्याग रेस प्रेरित ग्राफिक्सले फरक स्टाइल स्टेटमेन्ट गराउने दाबी थरिएको छ।
कालो मेटालिक ब्ल्याक र मेटालिक नीलोको तीन वटा टोन संयोजनले राइडरले अरुभन्दा फरक भएको महशुस गराउने कम्पनीले जनाएको छ।
उक्त उत्पादन सार्वजनिक कार्यक्रममा जगदम्बा मोटर्सका प्रवन्ध निर्देशक शाहिल अग्रवालले भने, ‘नेपालमा टिभिएस एनटर्क आरटी एफआई रेस एडिसन–मरीन ब्लूमा सार्वजनिक गर्न पाउँदा हामी खुसी छौं। स्मार्ट स्कूटर आरटी एफआईको समावेशसँग एक बेस्ट इन क्लास अनुभव प्रदान गर्न डिजाइन गरिएको हो। यो प्रक्षेपणको साथ हामीले हाम्रा युवा ग्राहकहरुका लागि बेस्ट अनुभव सिर्जना गर्न प्रतिबद्ध छौं।’
यस्तै लञ्चको बारेमा बोल्दै कार्यकारी निर्देशक अखिल गुप्ताले यो उत्पादनले युवाहरुबीच रोमाञ्चक र शक्तिशाली अनुभव प्रदान गरेर नेपालमा स्कुटर उपभोक्ताहरुको अपेक्षालाई पुन: परिभाषित गरेको दाबी गरे।
स्टल्थ एयरक्राफ्टको डिजाइनबाट प्रेरित टिभिएस एनटर्क १२५ रेस एडिसनले सिग्नेचर एलईडी टेल र हेडल्याम्पसहितको तीखो, आक्रामक शैलीलाई मूर्त रूप दिन्छ । स्कूटरमा रहेको अद्वितीय ‘रेस एडिसन’ प्रतीकले टिभिएस रेसिङ पेडिग्रीलाई थप जोड दिन्छ। स्पोर्टी स्टब मफलर, टेक्सचर्ड फ्लोरबोर्ड र डायमण्ड कट एलोय ह्वीलले स्कूटरको स्टाइललाई अझ बढाउँछ।
यसको मूल्य नेपाली बजारमा २ लाख ९९ हजार ९०० मा उपलब्ध रहेको कम्पनीले जनाएको छ। यसमा ६० भन्दा धेरै सुविधाहरुका साथ पूर्ण रुपमा डिजिटल इन्टुमेन्ट क्लस्टर प्रदान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
