रास्वपा सांसद श्रेष्ठले बुझाए स्पष्टीकरण, अडिओ ‘एडिट’ गरिएको दाबी

राजनीति

नेपाल लाइभ सोमबार, चैत २७, २०७९ २१:४६

काठमाडौं– राष्ट्रिय स्वतन्त्र पार्टीका सांसद ढाकाकुमार श्रेष्ठले दुई करोड रकम माग गरेको अडिओ प्रकरणबारे पार्टीलाई स्पष्टीकरण बुझाएका छन्। सोमबार साँझ उनले मेडिकल व्यवसायी दुर्गा प्रसाईंसँग दुई करोड रूपैयाँ मागेको अडिओबारे स्पष्टीकरण बुझाएका हुन्।

आइतबार उनको उक्त अडिओ सार्वजनिक भएको थियो। त्यसलगत्तै पार्टीले सांसद श्रेष्ठलाई निलम्बन गरेको थियो। साथै रास्वपाको अनुशासन कमिटीले २४ घण्टे स्पष्टीकरण पनि सोधेको थियो। उनले सोमबार उक्त पत्रको जवाफ पठाएका छन्।

उक्त स्पष्टीकरणबारे मंगलबार अनुशासन समितिको बैठक बसेर छलफल गर्ने र केन्द्रीय समितिले दिएको समयावधिभित्र प्रतिवेदन तयार पारी बुझाउने समितिले तयारी गरेको छ।

स्पष्टीकरणमा सांसद श्रेष्ठले उक्त अडिओमा भएको आवाज आफ्नो नभएको बताएका छन्। साथै अडिओ सम्पादित भएको दाबी गर्दै पार्टीले गरेको निर्णय मान्न आफू तयार रहेको जवाफ उनले पत्रमा दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसम: कोशी, बागमती, गण्डकी र कर्णाली प्रदेशमा हल्का वर्षा

पिठो तथा इन्धनको अभावले गाजामा बेकरीसमेत बन्द हुने अवस्थामा ; राष्ट्रसङ्घ

कृषि क्षेत्रमा बाधक बनेका कानुन संशोधन गर्नुपर्नेमा कांग्रेसको जोड