बढुवा भएका ४ एआईजीलाई दर्ज्यनी चिह्न प्रदान, निष्ठापूर्वक काम गर्न निर्देशन

सुरक्षा/अपराध

नेपाल लाइभ आइतबार, चैत २६, २०७९ १४:३८

काठमाडौं– डीआईजीबाट एआईजीमा बढुवा भएका ४ जना प्रहरी अधिकृतलाई दर्ज्यानी चिह्न प्रदान गरिएको छ।

प्रहरी महानिरीक्षक बसन्त बहादुर कुँवरले प्रहरी प्रधान कार्यालयमा आइतबार आयोजित एक कार्यक्रमबीच एआईजीहरु सन्दिप भण्डारी, सुदिप गिरी, मीरा चौधरी र टेक बहादुर तामाङलाई दर्ज्यानी चिह्न प्रदान गरेका हुन्।

बढुवा भएका प्रहरी अधिकृतहरुलाई बधाई दिँदै आईजी कुँवरले निष्ठापूर्वक कर्म क्षेत्रमा खटिन निर्देशन दिएका छन्।

कुँवरले भने, ‘सरकारको लक्ष्य प्राप्तिका लागि नेपाल प्रहरीले निर्वाह गर्नुपर्ने जिम्मेवारीहरू मनग्यै छन्। तिनलाई केन्द्रविन्दुमा राखी नेपाल प्रहरीका दैनन्दिन कार्यहरू उच्च मनोबलका साथ सम्पन्न गर्न निर्देशन दिन चाहन्छु।’

प्रहरी महानिरीक्षक कुँवरले आगामी दिन अझ चुनौतीपूर्ण हुनसक्ने उल्लेख गर्दै उपल्ला विभागले बनाउने योजना, तयारी र नीतिले यस्ता चुनौतीको सामना गर्न सक्षम हुने बताए। साथै सम्भावित अराजकता लगायतका गतिविधिको आँकलन गरी त्यसलाई निस्तेज गर्नमा केन्द्रित रहन उनले प्रहरी अधिकृतहरूलाई निर्देशन समेत दिए।

बढुवा भएका एआईजी भण्डारीको मानव स्रोत विभाग, गिरीको प्रदेश समन्वय विभाग, चौधरीको कार्य विभाग र तामाङको अपराध अनुसन्धान विभागमा पदस्थापन भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक सय ९५ किलो गाँजासहित पक्राउ

सहज बन्दै मनाङको यात्रा

श्री एअरलाइन्सप्रति गायिका समीक्षा अधिकारीको आक्रोश