राजविराज- सप्तरीको राजविराज र पर्साको वीरगञ्जबाट एकसाथ हरवाचरवाको ५ दिने अधिकार यात्रा सुरु भएको छ। यो यात्रा २८ गते जनकपुर पुगेर समापन हुनेछ।
नेपालमा विद्यामान हरवाचरवा प्रथाको मुक्ति घोषणा भएको ९ महिना बितिसक्दा पनि पुनर्स्थापना भएको छैन। हरवाचरवाहरूले पुनर्स्थापनाको माग गर्दै उनीहरूले ५ दिने अधिकार यात्रा थालेका हुन्।
मञ्चका केन्द्रीय अध्यक्ष दशनलाल मण्डलका अनुसार अधिकार यात्रा लहान, सिरहा जनकपुर र वीरगञ्जका विभिन्न स्थानहरूमा पुग्नेछ।
२८ गतेसम्म हुने यो यात्राले मुक्त हरवाचरवाहरूको न्यायिक पुनर्स्थापना तथा भूमि, शिक्षा, स्वास्थ्य, रोजगारी र सामाजिक सुरक्षाको माग गर्ने अध्यक्ष मण्डलले जानकारी दिए।
गत साउन २ गते तत्कालीन प्रधानमन्त्री शेरबहादुर देउवाले हरवाचरवा मुक्तिको घोषणा गरेका थिए।
घोषणा गरिए पनि उनीहरूको जीवनमा परिवर्तन आएको छैन। अहिले मधेशमा १० हजारभन्दा बढी हरवाचरवा रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
