काठमाडौं– पर्यटन विश्वविद्यालय स्थापनाका लागि भन्दै समिति गठन भएको छ। संस्कृति, पर्यटन तथा नागरिक उड्डनमन्त्री सुदन किरातीको निर्देशनमा समिति गठन गरिएको छ।
पर्यटन मन्त्रालयका सचिव सुरेश अधिकारीको संयोजकत्वमा शिक्षा मन्त्रालयका सहसचिव, राष्ट्रिय योजना आयोगका सहसचिव, पूर्वसचिव राजीव गौतम, सहसचिव पर्यटन महाशाखा, नाथमका कार्यकारी निर्देशक सदस्य र कानुन शाखाका सपसचिव सदस्य सचिव रहनेगरी ७ सदस्यीय समिति गठन गरिएको मन्त्री किरातीले बताए।
पर्यटन क्षेत्रमा व्यापक सम्भावना भएको र देशमा दक्ष जनशत्ति निर्माण गर्ने उद्देश्यले पर्यटन विश्वविद्यालय स्थापना गर्ने उद्देश्यसहित यो समिति गठन गरिएको हो।
त्यसैगरी, समाजमा रहेको रैथाने र मौलिक ज्ञान कला र संस्कृतिलाई संरक्षण र समय अनुसार वैज्ञानिकरण गर्ने उदेश्यले ‘रैथाने विश्वविद्यालय’ निर्माणका लागि पनि समिति गठन गरिएको छ।
पूर्वसचिव डा मानबहादुर विकको संयोजत्वमा नेपाल प्रज्ञा प्रतिष्ठानका परिषद् सदस्य गीता चौधरी, भोगीराज चाम्लिङ र मन्त्रालयका संस्कृति महाशाखा प्रमुख सदस्य सचिव रहने ५ सदस्यीय सम्भाव्यता अध्ययन समिति गठन गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
