काठमाडौं– एक वर्षअघि मात्रै गठन भएको नागरिक उन्मुक्ति पार्टीकी अध्यक्ष रञ्जिता श्रेष्ठ मन्त्री बनेकी छन्। टीकापुर हत्याकाण्डको अभियोगमा जेल सजाय भोगिरहेका पूर्व सांसद रेशम चौधरीकी पत्नी श्रेष्ठ पहिलोपटक संसदीय यात्रामा आएकी थिइन्।
गत मंसिर ४ गते सम्पन्न भएको प्रतिनिधि सभाको निर्वाचनमा कैलाली १ बाट निर्वाचित उनले ३० हजार ४०४ मत ल्याएकी थिइन्। उनका प्रतिद्वन्द्वी कांग्रेसका रामजनम चौधरीले १८ हजार ८१ र एमालेका तपेन्द्र बहादुर रावलले ५ हजार ९१० मत प्राप्त गरेका थिए।
सञ्चारकर्मदेखि मन्त्रीसम्मको यात्रा
काठमाडौंको क्षेत्रपार्टीमा २०३९ फागुन ७ मा जन्मिएकी श्रेष्ठ टीकापुरको घटना हुनुभन्दा पहिला सञ्चारकर्मी हुन्। टीकापुरमा फूलबारी एफएमको संस्करण भुरी गाउँ र बर्दियामा थियो। तीननवटा एफएम सञ्चालनमा थिए।
थरुहट आन्दोलनमा होमिएका बेला रञ्जिता भने एफएममा व्यस्त थिइन्। उनलाई राजनीतिमा आइहाल्ने खास रुचि थिएन। उनका पति रेशम राजनीतिमा होमिइसकेका थिए। उनी भने घर गृहस्थी र व्यवसायमा व्यस्त थिइन। तर समय, परिस्थितिले उनलाई सांसद हुँदै मन्त्रीसम्म बनायो।
थारुहरुको मुद्दालाई स्थापित गर्न पार्टी स्थापना
विसं २०७४ भाद्र ७ गते थरुहट आन्दोलनका क्रममा टीकापुर हत्याकाण्ड भयो। जहाँ एसएसपी लक्ष्मण न्यौपाने र एक बालकसहित नेपाल प्रहरीका ५ तथा सशस्त्र प्रहरीका २ सुरक्षाकर्मीको हत्या थियो। उक्त हत्याकाण्डको प्रमुख अभियुक्तको रुपमा सांसद रञ्जिता श्रेष्ठका श्रीमान् रेशम चौधरीलाई लगाइयो। फरार रहेकै अवस्थामा चौधरीले कैलाली १ बाट २०७४ सालमा प्रतिनिधि सभाको निर्वाचन जितेका थिए।
चुनाव जितेको १३ महिनापछि सांसद चौधरीले पद तथा गोपनीयताको शपथ ग्रहण गरेका थिए। तत्कालीन सभामुख कृष्णबहादुर महराले उनलाई १९ पुस २०७५मा सिंहदरबारमा शपथ खुवाएका थिए। डिल्लीबजारस्थित सदर खोरमा जेल जीवन बिताइरहेका चौधरीलाई सिंहदरबार झिकाएर शपथ खुवाइएको थियो।
सांसदको लोगोसहित चौधरीलाई पुनः कारागार पठाइएको थियो। आजीवन कारावासको फैसला सुनाएपश्चात चौधरी हाल जेलमा छन्। यद्यपि विरासत जोगाउन र थरुहट आन्दोलनको अजेण्डा स्थापित गर्न चौधरीको संघर्ष जेलभित्रबाट पनि जारी छ।
थारुहरुका मुद्दालाई स्थापित गर्नका लागि १९ पुस २०७८ मा चौधरीको श्रीमती रञ्जिता श्रेष्ठको अध्यक्षतामा नागरिक उन्मुक्ति पार्टीको स्थापना भयो। उनले गत मंसिर ४ गते भारी मतसहित टीकापुरबाट प्रतिनिधि सभा निर्वाचन जित्न सफल भइन्।
नागरिक उन्मुक्ति पार्टीबाट ४ जना सांसद प्रतिनिधि सभामा छन्। जेलमा रहेका रेशम चौधरीको रिहाईको मुख्य माग र टीकापुर हत्याकाण्डको प्रतिवेदन सार्वजनिक लगायतका माग राख्दै आएको नागरिक उन्मुक्ति अब सरकारमा गएर आफ्ना मागहरुका बारेमा वकालत गर्ने रणनीतिक योजनामा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779880470.png)
-1764146706.png)
-1779545841.jpg)
