मर्यादाक्रमबारे फुलकोर्टको निर्णय : सरकारलाई ध्यानाकर्षण गराउने

राजनीति

नेपाल लाइभ मंगलबार, चैत १४, २०७९ १८:३०

काठमाडौं– सर्वोच्च अदालतको पूर्ण बैठक (फुलकोर्ट)ले मर्यादाक्रम सम्बन्धी राष्ट्रिय सभामा पेस भएको विधेयकमा ध्यानाकर्षण भएको जनाएको छ। फुलकोर्टले यस विषयमा सरकारको पनि ध्यानाकर्षण गराउने निर्णय गरेको छ।

संघीय संसद्को माथिल्लो सदन राष्ट्रिय सभामा दर्ता भएको मर्यादाक्रम सम्बन्धी गैरसरकारी विधेयकबारे सरकारको ध्यानाकर्षण गराउने निर्णय भएको हो।

मर्यादाक्रममा प्रधानन्यायाधीशलाई पाँचौ नम्बरमा र उच्च अदालत तथा जिल्ला अदालतका न्यायाधीशहरूलाई तल झारिएको भन्दै फुलकोर्टले ध्यानाकर्षण गराउने निर्णष गरेको न्यायाधीशले बताए।

‘बैठकमा सबै न्यायाधीशहरूले मर्यादाक्रमका बारेमा कुरा उठाउनु भयो। फुलकोर्टको यसमा ध्यानाकर्षण भएको छ। उचित समयमा प्रधानमन्त्री वा सम्वन्धित मन्त्रालय हेर्ने मन्त्रीलाई यस बारेमा ध्यानाकर्षण गराउने निर्णय भएको छ’, उनले भने।

यसअघि प्रतिनिधि सभाको सभामुख र राष्ट्रिय सभाको अध्यक्षभन्दा मर्यदाक्रमा प्रधानन्यायाधीश माथि रहेका थिए। तर, सत्ता पक्षका केही सांसदहरूले गैरसरकारी विधेयकको रुपमा राष्ट्रिय सभामा विधेयक दर्ता गराएका थिए। जसमा प्रधानन्यायाधीशलाई सभामुख र राष्ट्रिय सभाको अध्यक्षभन्दा तल राख्ने प्रस्ताव गरिएको छ।

चैत ५ गते राष्ट्रिय सभाका सत्ता पक्षका सांसदहरूले नेतृत्व गर्दै राष्ट्रिय मर्यादा सम्बन्धी विधेयक, २०७९ गैर सरकारी विधेयक दर्ता गराएका थिए। उक्त विधेयक राष्ट्रिय सभामा टेबल समेत भएको छ। राष्ट्रिय सभामा विधेयक टेबल भएसँगै यसको आलोचना पनि सुरु भएको छ।

राष्ट्रिय सभाका सांसदहरू गोपीबहादुर सार्की, तुलप्रसाद विश्वकर्मा, देवेन्द्र दाहाल, प्रकाश पन्थ, प्रमिला कुमारी, बेदुराम भुसाल, रमेशजङ्ग रायमाझी र शेखरकुमार सिंहसहितका सांसदहरूले विधेयक दर्ता गराएका हुन्। उनीहरूले दर्ता गरेको विधेयक आइतबार राष्ट्रिय सभामा पेस गरिएको थियो।

अब अर्को बैठकमा उक्त विधेयकको विचार गरियोस् भन्ने प्रस्ताव पेस हुने छ। त्यसपछि विधेयकमाथि संशोधन सुरु हुने छ। राष्ट्रिय सभाबाट उत्पति भएकाले उक्त विधेयक प्रतिनिधि सभामा पनि आउने छ। दुवै सदनबाट पारित भएर राष्ट्रपतिले प्रमाणिकरण गरेपछि लागू हुने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रोल्पामा अटो दुर्घटना हुँदा वृद्धको मृत्यु

रुग्ण उद्योग पुनः सञ्चालनको ठोस प्रस्ताव ल्याउन निजी क्षेत्रलाई प्रधानमन्त्रीको आग्रह

उच्चस्तरीय राजनीतिक संयन्त्रको बैठक बस्दै