काठमाडौं– नेपाली कांग्रेसका नेता गुरुराज घिमिरेले प्रधानमन्त्री पुष्पकमल दाहाल प्रचण्डविरुद्ध नाराबाजी गर्ने युवालाई कारागार चलान गरिएकोप्रति विरोध जनाएका छन्।
उनले धरौटी बुझाउन नसक्दा तीन जना युवालाई जेल हालिएकोमा गणतन्त्रले के गर्न खोजेको हो भन्दै प्रश्न गरेका छन्।
नेता घिमिरेले २०६० सालमा राजाविरुद्ध नारा लगाउँदा आफूहरुमाथि राजद्रोह लगाएर हथकडीसहित थुनिएको स्मरण गर्दै सरकारलाई प्रश्न गरेका हुन्।
तत्कालीन अवस्थामा विशेष अदालतले आफूहरुलाई रिहाइ गरेका बेला राजाले त छाडेको तर गणतन्त्रले के गर्न खोजेको भन्दै प्रश्न गरेका छन्।
उनले भनेका छन्, ‘हुन त २०६०सालमा राजाबिरुद्ध नारा लगाएकोअभियोगमा हामी(म,गगन र पुरुषोत्तम)लाई राजद्रोह लगाएर हथकडी सहित थुनियो।पछि बिशेष अदालतकोआदेशबमोजिम रिहा गरियो।अहिले प्रचण्डबिरुद्ध नारालगाएको आरोपमा उद्दव, बिप्लव र सोमलाई धरौटी बुझाउन नसक्दा जेल हालियो।राजाले त छाडे,गणतन्त्रले के गर्न खोजेको?’
केही दिनअघि एक कार्यक्रमका क्रममा तीन जना युवाले प्रधानमन्त्री प्रचण्डविरुद्ध नाराबाजी गरेका थिए। त्यसपछि पक्राउ परेका उनीहरुलाई अनुसन्धान गरेर पाँच हजार धरौटीमा छाड्ने आदेश गरिएको थियो। तर उनीहरुले धरौटी बुझाउन नसक्दा सोमबार कारागार चलान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
