काठमाडौं– राष्ट्रिय प्रजातन्त्र पार्टी (राप्रपा)ले आउँदो वैशाख १० मा हुने उपनिर्वाचनमा एक्लै उम्मेदवारी दिने भएको छ। सोमबार बसेको केन्द्रीय पदाधिकारीहरू बैठकले उपनिर्वाचनमा कुनै दलसँग गठबन्धन नगर्ने निर्णय गरेको हो।
अध्यक्ष राजेन्द्र लिङ्देनको अध्यक्षतामा केन्द्रीय कार्यालय धुम्बाराहीमा बसेको बैठकले उक्त निर्वाचनका लागि निर्वाचन परिचालन कमाण्डर पनि तोकेका छ। निर्वाचन परिचालनका लागि बारा–२ मा उपाध्यक्ष बुद्धिमान तामाङ, चितवन–२ मा उपाध्यक्ष विक्रम पाण्डे र तनहुँ–१ मा कोषाध्यक्ष निलकण्ठ काफ्लेलाई निर्वाचन कमाण्डर तोकिएको राप्रपाले जनाएको छ।
साथै, केन्द्रीय कार्यसमितिको बैठक वैशाख २९ र ३० गते काठमाडौंमा बस्ने गरि तय गरिएको प्रवक्ता मोहन श्रेष्ठले जानकारी दिए। वैशाख महिनाभित्र सातवटै प्रदेशमा अगुवा कार्यकर्ता भेला गर्ने निर्णय पनि बैठकले गरेको छ।
वैशाखदेखि सक्रिय सदस्यता वितरण अभियानलाई तिव्रता दिने निर्णय गरिएको छ। यसक्रममा २०८० भित्र पार्टीमा दुई लाख सक्रिय सदस्य बनाउने लक्ष्य निर्धारण गरिएको उनले बताए।
पार्टीको राजनीतिक लक्ष्य प्राप्ति र जनजीविकासँग सम्बन्धित विषयमा बैठकले आन्दोलन गर्ने निर्णय गरेको छ। आन्दोलनका विषय र स्वरुप निर्धारण गर्न महामन्त्री डा धवल शमशेर राणाको संयोजकत्वमा महामन्त्री शरद पाठक र सहमहामन्त्री झनक प्याकुरेल रहेको समिति गठन गरिएको प्रवक्ता श्रेष्ठले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
