काठमाडौं– आज विश्व थिएटर दिवसको दिन विश्वभर विभिन्न कार्यक्रम गरेर मनाइन्छ।
काठमाडौंमा भने ‘बुद्ध थिएटर फेस्टिभल’ को तेस्रो संस्करण आजबाटै सुरु भएकव छ। जमलस्थित साँस्कृतिक संस्थानमा सञ्चालन हुने फेस्टिभल चैत १७ गतेसम्म चल्नेछ।
गौतम बुद्धको दर्शन तथा बोधिसत्वको प्रभावलाई रंगमञ्चमार्फत् विश्वमाझ चिनाउने उद्देश्यले फेस्टिभल आयोजना गरिएको महोत्सवका निर्देशक पुस्कर गुरुङले बताए।
पाँचदिनसम्म चल्ने फेस्टिभलमा नेपालका ६ नाटक मञ्चन हुनेछन। साथै फेस्टिभलमा माया थापाको निर्देशनमा तयार भएको नृत्य नाटीका ‘चंण्डालीका’ समेत मञ्चन हुनेछ।
महोत्सवको उद्घाटन समारोहमा रंगकर्मी अनुप बराललाई ५० हजार धनराशीको ‘डबली अवार्ड’ प्रदान गरिनेछ।
यसअघि फेस्टिभलमा विदेशी नाटकहरु पनि समावेश गराइएको थियो। तर, भनेजस्तो राम्रो कथावस्तु भएको विदेशी नाटकहरु नआएर यसपटक नेपाली नाटक समेटिएको गुरुङको दाबी छ।
यो फेस्टिभल बाग्मती प्रदेश सरकारको सहयोग, सांस्कृतिक संस्थान र डबली थियटरको आयोजनमा हुन लागेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
