काठमाडौं– प्रधानमन्त्री पुष्पकमल दाहाल ‘प्रचण्ड’ले मन्त्रिपरिषद् विस्तारबारे जनमत पार्टीका अध्यक्ष सिके राउतसँग छलफल गरेका छन्।
आइतबार बिहान प्रधानमन्त्रीसँग छलफल गर्न राउत बालुवाटार पुगेका थिए। राउत र प्रधानमन्त्रीबीचमा मन्त्रिपरिषद् विस्तारबारे छलफल भएको राउतको सचिवालयले जनाएको छ।
प्रधानमन्त्री प्रचण्डले सोमबारसम्ममा मन्त्रिपरिषद् विस्तार गर्ने तयारी गरिरहेको बताइएको वेला आइतबार बिहान प्रधानमन्त्री र राउतबीच छलफल भएको हो।
राउत नेतृत्वको जनमत पार्टीले अहिले पनि सरकारमा खानेपानी मन्त्रालय सम्हालेको छ। यद्यपि, जनमत पार्टीले सुरुदेखि त्यसप्रति असन्तुष्टि राख्दै उद्योग तथा आपूर्ति मन्त्रालयको दाबी गर्दै आएको छ।
गठबन्त्रनको बैठक बोलाउने तयारी
मन्त्रिपरिषद् विस्तारका लागि मन्त्रालय बाँडफाँटको प्रस्ताव बनाउन व्यस्त प्रधानमन्त्रीले आजै साझसम्म सत्तारुढ गठबन्धनको बैठक बोलाउने तयारी गरेका छन्।
प्रधानमन्त्रीले मन्त्रिपरिषद् विस्तार र सरकारको न्यूनतम साझा कार्यक्रममा एक साथ सहमति गर्ने प्रयानस पनि गरेका छन्। जसका लागि सतारुढ प्रमुख चार दलका दोस्रो तहका नेताहरुले बनाइरहेको न्यूनतम साझा कार्यक्रम बारेमासमेत आज प्रधानमन्त्रीले ब्रिफिङ लिएका छन्।
प्रधानमन्त्रीले आज बिहान वालुवाटारमा कांग्रेसका रमेश लेखक, नेकपा एसका धनश्याम भुसाल र प्रमेश हमाल तथा प्रभु साहसँग संयुक्त रुपमा न्यूनतम साझा कार्यक्रमबारे छलफल गरेका छन्।
यसअघि शनिबार साझ प्रधानमन्त्री प्रचण्डले नेपाली कांग्रेसका सभापति शेरबहादुर देउवा र उपसभापति पूर्णबहादुर खड्कासँगसमेत छलफल गरेका थिए। प्रधानमन्त्रीले आजै साझसम्म सतारुढ गठबन्धनको बैठक बोलाएर मन्त्रालयहरुको भागबण्डा टुंग्याएर भोलिसम्म मन्त्रिपरिषद् विस्तार गर्ने योजना बनाएको बालुवाटार स्रोतको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767836232.jpg){kind=logo}
-1764146706.png)
-1779545841.jpg)
