काठमाडौं– त्रिभुवन विश्वविद्यालय अन्तर्गत रहेको नेपाल कमर्स क्याम्पसमा स्वतन्त्र विद्यार्थी युनियनको निर्वाचन स्थगित भएको छ। गत ५ गते स्थगित भएको निर्वाचन शनिबारका लागि तोकिएको थियो। तर शनिबार पनि हुन सकेन।
निर्वाचनमा असहज परिस्थिति सिर्जना भएपछि स्थगित गर्नुपरेको कमर्स क्याम्पस प्रशासनले जनाएको छ। यता एमाले निकट अनेरास्ववियुले भने सत्ता गडबन्धन दलका विद्यार्थी संगठनहरुले निर्वाचन भाँडेको आरोप लगाएको छ।
बिहान आठ बजेदेखि मतदान हुने भनिए पनि निर्वाचन अधिकृत बेपत्ता भएका थिए।। त्यसपछि क्याम्पस प्रशासनले सूचजना जारी गर्दै साढे ११ बजेका लागि मतदान तोकेको थियो।
तर साढे ११ बजेसम्म पनि मतदान हुन नसकेपछि आजलाई तोकिएको निर्वाचन स्थगित भयो। अनेरास्ववियुले निर्वाचन अधिकृतलाई सम्पर्कविहीन बनाउन सत्ता गठबन्धन दलका विद्यार्थी संगठनहरुको हात रहेको बताएको छ।
’अनेरास्ववियुको पक्षमा विद्यार्थीहरुको माहोल देखेर अत्तालिएका सत्ताधारी दलका छायाँ संगठन नेपाल विद्यार्थी संघका नेता कार्यकर्ताहरुले लोकतान्त्रिक मूल्य मान्यता विपरीत स्ववियु निर्वाचनको मतपत्र च्यातेको घटनाले लोकतन्त्रको धज्जी उडाएको छ। निर्वाचन गराउन सुरक्षा प्रदान गराउनुपर्ने निकायबाट यथेष्ट सहयोग नहुँदा १४ वर्षपछि हुन लागेको स्ववियु निर्वाचन हुन नदिन सत्ताधारीहरु उद्दलित रहेको पुष्टि भएको छ’, विज्ञप्तिमा भनिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
