बागमती प्रदेशका मुख्यमन्त्री जम्कट्टेलले पाए विश्वासको मत

राजनीति

नेपाल लाइभ शुक्रबार, चैत १०, २०७९ १६:१४

काठमाडौं- बागमती प्रदेशका मुख्यमन्त्री शालिकराम जम्कट्टेलले विश्वासको मत पाएका छन्।

शुक्रबार बसेको प्रदेश सभाको बैठकबाट मुख्यमन्त्री जम्मकट्टेलले दोस्रोपटक विश्वासको पाएका हुन्।

उनको पक्षमा ६७ मत प्राप्त भएको छ। प्रदेश सभा बैठकमा ९१ जना सांसदहरुको उपस्थिति रहेकोमा ६७ जना सांसदले विश्वासको मतको पक्षमा हस्ताक्षर गरेका हुन्।

उनको विश्वासको मत सम्बन्धी प्रस्तावको विपक्षमा १७ जना सांसदले हस्ताक्षर गरेका छन् भने ७ जना सांसदहरु तठस्थ बसेका थिए।

नेकपा एमाले भने सरकारबाट बाहिरिएको छ। एमालेका मन्त्रीहरुले शुक्रबार नै मुख्यमन्त्री शालिकराम जम्कट्टेलसमक्ष राजीनामा दिएका हुन् ।

बागमती प्रदेश सरकारमा नेकपा एमालेका ४ जना मन्त्रीसहित सरकारमा सहभागी भएका थिए। एमालेबाट संसदीय दलका नेता थपलिया आर्थिक मामिला तथा योजनामन्त्री, एकलाल श्रेष्ठ श्रम रोजगार तथा यातायातमन्त्री, केशवप्रसाद पोखरेल कृषि पशुपन्छी विकास मन्त्री र रामेश्वर श्रेष्ठ स्वास्थ्यमन्त्री नियुक्त भएका थिए।

केन्द्रको समीकरण परिवर्तन भएसँगै एमालेका मन्त्रीहरुले राजीनामा दिएका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मिडिया र सेलिब्रिटीले कसरी समाजलाई स्वस्थ बनाउन सक्छन्?

अर्थले काट्यो प्रदेश र स्थानीय तहमा जाने अनुदान

संसद बैठक नबसेको दिन समितिका काम कारबाही अघि बढाउन सभामुखको निर्देशन