काठमाडौं– आगामी बैशाख १० गते हुने बारा, चितवन र तनहुँको उपनिर्वाचनका लागि आजदेखि दल दर्ता
सुरु हुँदैछ।
यस्तै आजबाट निर्वाचन आयोगले उपनिर्वाचनका लागि दल दर्ताको आह्वान गरेको छ। आयोगले मंगलबार एक विज्ञप्ति जारी गर्दै दल दर्ताका लागि आह्वान गरेको हो।
चितवन–२, बारा–२ र तनहुँ–१ मा वैशाख १० गते उपनिर्वाचन हुँदैछ। नागरिकता प्रकरणमा दोषी पाएपछि चितवन–२ बाट प्रतिनिधि सभा सदस्यमा निर्वाचित राष्ट्रिय स्वतन्त्र पार्टीका सभापति रवि लामिछानेको सांसद पद खारेज भएको थियो।
अब उक्त निर्वाचन क्षेत्रमा फेरि उनै लामिछानेले उठ्ने तयारी गरेका छन्। तनहुँ–१ बाट प्रतिनिधि सभामा निर्वाचित कांग्रेसका वरिष्ठ नेता रामचन्द्र पौडेल राष्ट्रपतिमा निर्वाचित भएपछि सो क्षेत्रमा पनि उपनिर्वाचन हुँदैछ।
यता बारा–२ बाट प्रतिनिधि सभामा निर्वाचित जनता समाजवादी पार्टीका सांसद रामसहाय यादव पनि उपराष्ट्रपतिमा निर्वाचित भएपछि त्यो क्षेत्र पनि रिक्त रहेको छ। उक्त क्षेत्रमा जसपाबाट अध्यक्ष उपेन्द्र यादव आफैंले चुनाव लड्ने तयारी गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
