काठमाडौं– त्रिभुवन विश्वविद्यालयको आंगिक क्याम्पस रत्नराज्य लक्ष्मी (आरआर) प्रशासनले विद्यार्थीहरुलाई तालाबन्दीको अन्त्य गरी वार्तामा आउन आग्रह गरेको छ।
मंगलबार एक प्रेस विज्ञप्ति जारी गर्दै त्रिभुवन विश्वविद्यालय, स्वतन्त्र विद्यार्थी युनियन निर्वाचनसम्बन्धी निर्देशिका–२०७९ अनुसार त्रिविका केन्द्रीय तथा केही आंगिक क्याम्पसमा आइतबार निर्वाचन सम्पन्न भइसकेको उल्लेख गर्दै आरआर क्याम्पसमा निर्वाचन गराउनका लागि सहयोग गर्न अपिल गरेको छ।
रत्न राज्यलक्ष्मी (आरआर)क्याम्पसको निर्वाचन समितिले क्याम्पसमा क्रियाशील विद्यार्थी संघ संगठनहरुसँग निरन्तर संवाद गरे पनि पूर्वनिर्धारित समयमा निर्वाचन सम्पन्न हुन नसकेको बताएको छ।
त्रिवि उपकुलपतिको कार्यालयबाट प्रकाशित स्थगन भएका क्याम्पसमा आगामी चैत १२ गते अगाडि नै आपसी समझदारी कायम गरी स्ववियु निर्वाचन गर्नु भन्ने त्रिवि, विद्यार्थी कल्याण तथा खेलकुद निर्देशनालयको निर्देशन भएकाले विद्यार्थी संगठनहरुलाई तालाबन्दी अन्त्य गरेर स्ववियु निर्वाचनको वातावतरण बनाउन अपिल गरिएको छ।
क्याम्पस प्रशासन, शिक्षक, कर्मचारी तथा विद्यार्थी सबैको जिम्मेवारी भएकाले विगतका दिनमा जेजस्ता परिघटनाहरु उत्पन्न भएका भए पनि तिनलाई आ–आफ्ना पक्षबाट समीक्षा गरी गल्ती कमजोरी सुधार गर्दै पुनः अगाडि बढेमा स्ववियु निर्वाचन सम्पन्न गर्न सकिन्छ भन्ने कुरामा क्याम्पस प्रशासन विश्वस्त रहेको क्याम्पस प्रमुख प्राडा जीवनधर ज्ञवालीद्वारा जारी विज्ञप्तिमा भनिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_Tr387xuecJ-1778130428.jpg)
-1778551198-1778552039.jpeg)
-1764146706.png)
-1779545841.jpg)
