पारस खड्का सम्मिलित एसिया लायन्सले जित्यो लेजेन्ड क्रिकेटको उपाधि

क्रिकेट

नेपाल लाइभ मंगलबार, चैत ७, २०७९ ०८:०२

काठमाडौं– नेपाली राष्ट्रिय क्रिकेट टिमका पूर्व कप्तान पारस खड्का सम्मिलित एसिया लायन्सले लेजेन्ड क्रिकेट लिगको उपाधि जितेको छ।

कतारको दोहामा भएको फाइनल खेलमा वर्ल्ड जायन्टसलाई ७ विकेटले हराउँदै एसिया लायन्स च्याम्पियन बनेको हो।

टस जितेर वर्ल्ड जायन्टले पहिले ब्याटिङ थालेको थियो। वर्ल्ड जायन्टले २० ओभरमा ४ विकेट गुमाएर १४७ रन बनायो। वर्ल्डका लागि ज्याक्विस कालिसले अविजित ७८ रन बनाए। उनले ५४ बलमा ५ चौका र ३ छक्का प्रहार गरेका थिए। रोस टेलेरले ३२ रन जोडे।

वर्ल्डविरुद्ध एसिया लायन्सका अब्दुर रजाकले २ तथा थिसरा पेरेराले १ विकेट लिए।

जवाफमा उत्रिएको एसियाले तीन विकेट गुमाएर १६.१ ओभरमा लक्ष्य पूरा गर्‍यो। पहिलो विकेटका लागि उपुल थरंगा र तिलकरत्ने दिलशानले ११५ रनको साझेदारी गरे। थरंगाले २८ बलमा ५७ रन जोडे। दिलशानले ४२ बलमा ५८ रन बनाए। एसियाका थरंगा लिगको प्लेयर अफ दि सिरिज घोषित भए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सगरमाथा संवादमा १७५ विदेशी विशिष्ट पाहुना सहभागी हुने

डेडिकेटेड र ट्रंक लाइनको विद्युत महसुल बुझाउने म्याद थपको सूचना पुनः जारी

डब्लुएचओद्वारा नाकाकन्दीका कारण गाजामा अनिकाल र जोखिमको चेतावनी