शीर्ष नेताहरूतर्फ हेर्दै रास्वपाका अर्यालको प्रश्न : सकेसम्म चाँडो देश छाड्न चाहने अवस्था कसले बनायो?

राजनीति

नेपाल लाइभ सोमबार, चैत ६, २०७९ १५:०८

काठमाडौं- राष्ट्रिय स्वतन्त्र पार्टी (रास्वपा) संसदीय दलका उपनेता डोलप्रसाद अर्यालले सकेसम्म देश चाँडो छाड्न चाहने अवस्था कसले बनायो भन्दै प्रश्न गरेका छन्।

प्रधानमन्त्री पुष्पकमल दाहाल ‘प्रचण्ड’लाई विश्वासका लागि राखेको प्रस्तावमाथिको छलफलमा भाग लिँदै उनले त्यसका केही दोषी यही संसद्‌मा रहेको उल्लेख गरे।

उनले शीर्ष नेताहरूतर्फ हेर्दै भने, ‘राष्ट्रपतिका सन्तानदेखि गरिबका सन्तानसम्म जसोतसो विदेश पुगेकै छन्। मुलुकुलाई सकेसम्म चाँडो छाड्ने कसले बनायो? सायद यहाँ उपस्थितमध्ये केही त दोषी पक्कै हौं।’

देशका ४० लाख युवाहरू विदेश रहेको अवस्थामा स्वदेश फर्केर केही गर्ने चाहना भएका आफ्नो पार्टीका नेता रवि लामिछाने लखेटिएको उनले बताए।

उनले आफूहरूलाई असफल हुने छुट नभएको बताए। आफूहरू कटाक्ष र गालीगलोज हेर्न नचाहने उल्लेख गरे। सरकारलाई विश्वासको मत दिने बताउँदै उनले आफ्नो पार्टीलाई अप्ठ्यारो परेका बेला सघाउने नेकपा एमालेका अध्यक्ष केपी शर्मा ओलीलाई धन्यवाद दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सांसद बरालीको प्रश्न- ‘पक्राउ पुर्जी जारी भएका सांसद प्रधानमन्त्रीसँगै बस्दा सुशासन कता हरायो ?’

नीति तथा कार्यक्रमबारे ज्ञानेन्द्र : नखाऊँ भने दिनभरीको सिकार, खाउँ भने कान्छाबाउको अनुहार

महाप्रसाद अधिकारीविरुद्धको रिटमा सर्वोच्चद्वारा कारण देखाऊ आदेश जारी , छलफलमा झिकायो