स्ववियु अपडेटः त्रिवि अन्तगर्तका क्याम्पसमा ६० प्रतिशत मत खस्यो

राजनीति

नेपाल लाइभ आइतबार, चैत ५, २०७९ १९:०२

काठमाडौं– त्रिभुवन विश्वविद्यालय अन्तर्गतका आंगिक तथा सम्बन्धन प्राप्त क्याम्पसहरूमा आइतबार सम्पन्न स्वतन्त्र विद्यार्थी युनियनको निर्वाचनमा करिब ६० प्रतिशत मत खसेको छ।

आइतबार त्रिविसहित अन्य २ विश्वविद्यालयमा स्ववियु निर्वाचन भएको थियो। मतदानको समय सकिएसँगै त्रिविको प्रारम्भिक मतदानको आँकडा सार्वजनिक भएको हो। उक्त विश्वविद्यालयको निर्वाचन परिचालन समितिले उक्त तथ्यांक सार्वजनिक गरेको हो।

‘निर्वाचनको प्रारम्भिक सूचनाअनुसार करिब ६० प्रतिशत विद्यार्थीहरूले मतदान गरेका छन्। साधारणतया छिटफुट घटनाबाहेक शान्तिपूर्ण रूपमा स्वतन्त्र विद्यार्थी युनियनको निर्वाचन सम्पन्न भएको छ,’ समितिले जारी गरेको विज्ञप्तिमा भनिएको छ, ‘स्थगित केही क्याम्पसहरूमा यथाशीघ्र निर्वाचन सम्पन्न गर्ने गरी कार्यक्रम अगाडि बढेको अवस्था छ।’

विवाद र असमझदारीका कारण राजधानीसहित मुलुकका धेरै क्याम्पस हरुमा मतदान कार्य रोकिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो सुनको मूल्य, कतिमा हुँदैछ कारोवार ?

सरकारले प्रेस स्वतन्त्रतामा हस्तक्षेप गरेको छैनः मन्त्री गुरुङ

बिहेमा खाजा खाँदा जन्तीसहित एक सय बढी बिरामी