काठमाडौं– त्रिभुवन विश्वविद्यालय अन्तर्गत रहेका काठमाडौं उपत्यकाका सात सहित दर्जन बढी क्याम्पसमा स्ववियु निर्वाचन स्थगित भएको छ।
आइतबार बिहान ८ बजे देखि हुने भनिएको स्वतन्त्र विद्यार्थी युनियनको निर्वाचनमा उपत्यकाका ७ सहित दर्जन भन्दा बढी क्याम्पसहरूमा स्ववीयु निर्वाचन स्थगित भएको हो।
त्रिभुवन विश्वविद्यालय विद्यार्थी कल्याण तथा खेलकुद निर्देशनालय निर्देशक पशुपति अधिकारीका अनुसार उपत्यका भित्रका रत्न राज्यलक्ष्मी (आरआर) क्याम्पस), त्रिचन्द्र क्याम्पस, मीन भवन, आयुर्वेदिक क्याम्पस कीर्तिपुर लगायतका सात वटा क्याम्पसमा निर्वाचन स्थगित भएको हो।
त्यसैगरी उपत्यका बाहिरका पृथ्वी नारायाण क्याम्पस पोखरा, ठाकुरराम बहुमुखी क्याम्पस वीरगञ्ज लगायतका १३ क्याम्पसमा निर्वाचन स्थगित भएको अधिकारीले जानकारी दिए।
त्रिभुवन विश्वविद्यालय विद्यार्थी कल्याण तथा खेलकुद निर्देशनालयका निर्देशक अधिकारीले नेपाल लाइभसँग कुरा गर्दै भने, ‘भ्यालीमा सातवटा क्याम्पसमा स्थगित भएको छ। भ्याली बाहिर १३/१४ वटा क्याम्पसमा स्ववियु निर्वाचन हुन सकिरहेको छैन। प्रयास जारी नै छ।’
उनले आज स्ववियु निर्वाचन हुन नसकेका क्याम्पसहरूमा ८ र ९ गते हुने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1779545841.jpg)
