चार वर्षीया नाबालिका बलात्कार गरेको आरोपमा एक जना पक्राउ

सुरक्षा/अपराध

नेपाल लाइभ आइतबार, फागुन २८, २०७९ २०:१०

दाङ– जिल्ला प्रहरी कार्यालय दाङले चार वर्षीया नाबालिका बलात्कार गरेको आरोपमा एक जना पुरुषलाई पक्राउ परेको छ।

पक्राउ पर्नेमा दाङको घोराही उपमहानगरपालिका–१८ का ३४ वर्षीय बिराज लम्साल रहेका छन्। बंगलाचुली गाउँपालिका वडा नम्बर ८ मा लेबरको काम गर्दै आएकी नाबालिकाकी आमाले उजुरी दिएपछि लम्साललाई पक्राउ गरिएको हो।

बंगलामुखी–८ मै काम गर्ने क्रममा नाबालिकालाई १० रुपैयाँको नोट दिएर सफही स्थानमा रहेको खरबारीमा लिएर ललाईफकाई जबरजस्ती करणी गरेको पीडित बालिकाकी आमाले जाहेरीमा उल्लेख गरेकी छन्।

छोरी हराएपछि खोजतलास गर्दा खरबारीमा आमाले नाबालिका बेहोस अवस्थामा फेला पारेकी थिइन्। साथै नाबालिकाको योनीबाट रगत आएको र ओठसमेत सुन्निएको अवस्थामा फेला परेपछि स्थानीयले प्रहरीलाई खबर गरेका थिए।

सोही ठाउँमा काम गर्दै आएका बिराज लम्साल फरार भएको पाइएपछि उनीविरुद्ध नाबालिकाकी आमाले उजुरी दिएकी हुन्। प्रहरीले लम्साललाई आइतबार पक्राउ गरी आदालतबाट म्याद थप गरी अनुसन्धान गरिरहेको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु