काठमाडौं– नेकपा एमाले निकट अखिल नेपाल विद्यार्थी संगठनले विषादी जाँच नगरी भारतीय तरकारी नेपालमा भित्र्याउने सरकारको कदमप्रति विरोध जनाएको छ।
बुधबार अनेरास्ववियुका अध्यक्ष समिक बडालले एक विज्ञप्ति जारी गर्दै विरोध जनाएको हो। बुधबार पत्रिकामा भारतीय तरकारीको विषादी जाँच्ने प्रस्ताव मन्त्रिपरिषद्ले रोकेको समाचार प्रकाशन भएपछि सरकारको उक्त कदमको देशभर विरोध भइरहेको छ।
बडालले सरकारको यो कदमविरुद्ध आफूहरु आन्दोलनमा उत्रिने र समस्त किसानहरुलाई यो आन्दोलनमा सहयोग गर्न अपिलसमेत गरेका छन्।
यस्तै सोही कदमको विरोधमा आज अनेरास्ववियुले त्रिचन्द क्याम्पस अगाडि प्रदर्शन गरेको छ। भारतबाट आउने तरकारीमा विषादी परीक्षण नगरी नेपाली बजारमा भित्र्याउने सरकारको कदमप्रति विरोध जनाउँदै क्याम्पसअगाडि तरकारीहरु बीच बाटोमा फालेर प्रदर्शन गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
