प्रदेश १ को नाम ‘कोशी’ राख्ने प्रस्ताव प्रदेश सभामा दर्ता

राजनीति

नेपाल लाइभ बुधबार, फागुन १७, २०७९ १२:२४

काठमाडौं– प्रदेश १ को नाम ‘कोशी’ राख्ने प्रस्ताव प्रदेश सभामा दर्ता भएको छ। प्रदेश सभाको ठूलो दल नेकपा एमाले, नेपाली कांग्रेस र माओवादी केन्द्रबीच ‘कोशी’ नाममा सहमति भएपछि प्रदेश नामाकरणको प्रस्ताव प्रदेश सभामा दर्ता भएको हो।

नेकपा एमालेका नेता तथा प्रमुख सचेतक रेवतीरमण भण्डारीले प्रदेशको नाम आजै टुंग्याउने गरी सहमति भएको जानकारी दिए।

‘नेकपा एमाले, नेपाली कांग्रेस र नेकपा माओवादी केन्द्रबीच कोशी नाममा सहमति भएको छ,’ भण्डारीले भने, ‘राप्रपा र एकीकृत समाजवादीले पनि फरक मत राखे पनि सरकारको प्रस्तावमा समर्थन गर्ने भन्नुभएको छ।’

प्रदेशको नाम प्रदेश सभामा कायम सदस्य संख्याको दुई तिहाई मतबाट पारित हुनुपर्ने संवैधानिक व्यवस्था छ। दुई तिहाइका लागि ६३ जना सांसदको समर्थन (मत) आवश्यक पर्छ। प्रदेश सभामा नेकपा एमालेका ४०, कांग्रेसका २९, माओवादी केन्द्रका १३, राप्रपाका ६, नेकपा एकीकृत समाजवादीका ४ र जसपाका १ जना सांसद छन्।

एमाले, कांग्रेस र माओवादी केन्द्रबीच सहमति जुटिसकेका कारण प्रदेश १ को नाम ‘कोशी’ राख्ने प्रस्ताव दुई तिहाइभन्दा बढी मतले पारित हुने देखिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थ मन्त्रालयका सहसचिवहरुको जिम्मेवारी हेरफेर

ट्रम्प प्रशासनद्वारा युएसएआईडीका प्रमुख निरीक्षक बर्खास्त

पहिले पनि त्यस्तो घटना घटिसकेको अनुभूति अर्थात् डेजा भु: भूत, वर्तमान, कि भ्रम?