विश्वकप लिग २ यूएई सिरिज: आज पीएनजीको सामना गर्दै नेपाल

क्रिकेट

नेपाल लाइभ सोमबार, फागुन १५, २०७९ ०७:१५

काठमाडौं– अन्तर्राष्ट्रिय क्रिकेट परिषद् (आईसीसी) विश्वकप लिग २ को यूएई सिरिजअन्तर्गत नेपालले आज (सोमबार) पहिलो खेल पपुवा न्यु गिनी (पीएनजी)सँग खेल्दै छ।

दुबई अन्तर्राष्ट्रिय क्रिकेट मैदानमा नेपाली समयानुसार बिहान ११:४५ बजेदेखि २ देशको खेल सुरु हुनेछ। पीएनजीमा आयोजना हुनुपर्ने यो सिरिज मैदानको अवस्थाको कारण यूएईमा सारिएको हो।

२०१९ देखि जारी रहेको विश्वकप लिग २ को सिरिजमा नेपालका लागि यो सिरिज विदेशमा हुने अन्तिम त्रिकोणात्मक सिरिज पनि हो।

२८ खेल खेलिसकेको नेपाल १२ मा जित र १४ मा हारसहित २६ अंकका साथ अंक तालिकाको छैटौं स्थानमा छ। २८ खेल नै खेलेको पीएनजी २ मा जित र २५ मा हारसहित पुछारमा छ। अंक तालिकाको शीर्ष ३ मा रहँदै एकदिवसीय विश्वकपमा स्थान बनाउन नेपालले बाँकी ८ मध्ये ७ खेलमा जित्नुपर्ने हुन्छ।

नेपाली टोलीमा श्याम (मौसम) ढकाल र प्रतिश जिसी पहिलोपटक परेका छन्।

नेपाली टोली:
रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्र सिंह ऐरी, सन्दीप जोरा, सोमपाल कामी, करण केसी, ललित राजवंशी, गुलशन झा, भिम सार्की, आरिफ शेख, प्रतिश जी.सी र श्याम(मौसम) ढकाल

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थ मन्त्रालयका सहसचिवहरुको जिम्मेवारी हेरफेर

ट्रम्प प्रशासनद्वारा युएसएआईडीका प्रमुख निरीक्षक बर्खास्त

पहिले पनि त्यस्तो घटना घटिसकेको अनुभूति अर्थात् डेजा भु: भूत, वर्तमान, कि भ्रम?