सन्दीप लामिछानेको मुद्दा: पीडित किशोरीका तर्फबाट ३ जनाले गरे बहस

क्रिकेट

नेपाल लाइभ आइतबार, फागुन १४, २०७९ १४:०५

काठमाडौं– क्रिकेटर सन्दीप लामिछानेले दायर गरेको निवेदन र उनीविरुद्ध सरकारी वकिलले दिएको पुनरावलोकन निवेदनको संयुक्त सुनुवाइअन्तर्गत पीडित पक्षका सरकारी वकिल र कानुन व्यवसायीले बहस गरेका छन्।

सन्दीपलाई धरौटीमा रिहा गर्ने उच्च अदालत पाटनको आदेशविरुद्ध दायर गरेको पुनरावलोकन निवेदनका सन्दर्भमा सरकारी वकिलको तर्फबाट २ जना र सन्दीपबाट पीडित भनिएकी किशोरीको तर्फबाट १ जना गरी ३ जनाले बहस गरेका छन्। पीडित पक्षबाट अझै २ जनाले बहस गर्न बाँकी छ।

पीडित तथा सरकारी पक्षको बहसपछि सन्दीपका कानुन व्यवसायीले बहस गर्नेछन्। सन्दीपका तर्फबाट बहस गर्न वरिष्ठ अधिवक्ता शम्भु थापासहित कानुन व्यवसायीले वकालतनामा पेस गरेका छन्।

नाबालिक किशोरीमाथि बलात्कार गरेको अभियोगमा जिल्ला अदालत काठमाडौंको थुनछेक आदेशपछि मुद्दाको पुर्पक्षका लागि थुनामा गएका सन्दीपलाई उच्च अदालत पाटनले सर्तसहित २० लाख धरौटीमा रिहा गर्ने आदेश दिएको थियो।

देश छाडेर विदेश जान नपाउने लगायतका सर्तका कारण सन्दीप संयुक्त अरब ईमिरेट्स (यूएई)को दुबईमा हुने आईसीसी विश्वकप लिग–२ खेल्ने नेपाली टोलीमा सहभागी हुन पाएनन्। आफूले विदेश जान नपाउने उच्च अदालतको सर्त खारेजीको माग गर्दै सन्दीपले सर्वोच्च अदालतमा निवेदन दिएका थिए।

यस्तै, सन्दीपलाई धरौटीमा रिहा गर्ने उच्च अदालत पाटनको आदेशविरुद्ध सरकारी पक्षले सर्वोच्चमा पुनरावलोकन निवेदन दिएको थियो।

सन्दीपले दायर गरेको निवेदनमा प्रारम्भिक सुनुवाइ गर्दै सर्वोच्च अदालतका न्यायाधीश ईश्वर खतिवडाको शुक्रबारको इजलासले सन्दीपको निवेदन र उनलाई धरौटीमा रिहा गर्ने उच्च अदालतको आदेशविरुद्ध सरकारी पक्षले दिएको निवेदन साथै राखेर शुनुवाइ गर्नका लागि आइतबारलाई पेसी तोक्न आदेश दिएको थियो।

आइतबार न्यायाधीशद्वय सपना प्रधान मल्ल र कुमार चुडालको इजलासमा सुनुवाइ भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनताको अवस्था बदल्ने कार्यभार पूरा भइसकेको छैन– प्रचण्ड

रनको बर्षा भएको खेलमा पाकिस्तानको कीर्तिमानी जित

छोरीको शव नेपाल ल्याउन १० महिनादेखि भौँतारिरहेकी ७० वर्षीया धनमाया