यू- १९ एशिया छनोट: देव र अर्जुनको कीर्तिमानी शतकसँगै कुवेतलाई नेपालले दियो ३ सय ४४ रनको विशाल लक्ष्य

क्रिकेट

नेपाल लाइभ शनिबार, फागुन १३, २०७९ १५:२९

काठमाडौं- नेपालले आइसिसी यू–१९ विश्वकप एसिया क्षेत्र छनोट अन्तर्गत कुवेतलाई ३ सय ४४ रनको विशाल लक्ष्य दिएको छ।

कप्तान देव खनाल र ब्याटर अर्जुन कुमालको कीर्तिमानी शतकसँगै उक्त आंकडा जोड्न नेपाल सफल भएको हो। मलेक क्रिकेट रंगशालामा टस जितेर पहिला ब्याटिङ गरेको नेपालले निर्धारित ५० ओभरमा ७ विकेट गुमाउँदै ३ सय ४३ रन बनाएको छ।

कप्तान खनालले १ सय १७ बलमा ९ चौका र ३ छक्कासहित १ सय २५ रन बनाए। कुमालले १ सय १२ बलमा १२ चौकासहित १ सय ८ रन बनाए। एउटै अन्तर्राष्ट्रिय प्रतियोगितामा दुईजना ब्याटरले शतक बनाएको पहिलोपटक हो।

ओपनर दीपक बोहरा २७ बलमा २ चौकासहित १३ रनमा आउट भए। आकाश त्रिपाठी २ रनमा रन बाहिरिए। विशाल विक्रम केसी १४ बलमा ४ चौकासहित २३ दीपक बोहरा ९ बलमा ४ चौकासहित १९, दीपक डुम्रे १६ बलमा १ चौकासहित २०, दीपेश कँडेल र सुवास भण्डारीले २-२ रन बनाए।

कुवेतका हेनरी थोमसले १० ओभरमा ६६ रन खर्चेर २ विकेट लिएका छन्। अर्श साहिल काज्मीले ९ ओभरमा ४२ रन खर्चेर २ विकेट लिए भने हैबेर अली र जय महेशकुमार मेहताले एक एक विकेट लिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिंहदरबारमा दुईवटा संसदीय समितिको बैठक बस्दै

जनताको अवस्था बदल्ने कार्यभार पूरा भइसकेको छैन– प्रचण्ड

रनको बर्षा भएको खेलमा पाकिस्तानको कीर्तिमानी जित