काठमाडौं– कार्तिक आर्यन स्टारर शहजादा शुक्रबार रिलिज हुँदै छ। दक्षिण भारतीय फिल्म अलाबैकुण्ठपुरमुलोको रिमेक शहजादा रिलिज अघि नै समस्यामा परेको छ।
फिल्मको एडभान्स बुकिङ एक करोड भारतीय रुपैयाँभन्दा पनि कम देखिएको छ। यसैबीच शाहरुख खानको फिल्म पठानका निर्माताले शुक्रबारका लागि आफ्नो फिल्मको टिकटदर पूरै देशभर घटाएका छन्। यसको सिधा प्रभाव शहजादामाथि पर्ने देखिन्छ।
यसराज फिल्मस्ले शहजादा र मार्भलको एन्टम्यान–३ का अगाडि पठानको टिकटदर घटाउँदै ११० भारतीय रुपैयाँमा झारेको घोषणा गरेका छन्।
जसकारण शहजादालाई ठूलो झड्का लागेको छ। पठानले हालसम्म पूरै विश्वभर ९३० करोड भारतीय रुपैयाँ र घरेलु सिनेमा हलमा ६०० करोड भारतीय रुपैयाँको कारोबार गरिसकेको छ।
सबैभन्दा धेरै आम्दानी गर्ने भारतीय फिल्महरुमध्ये अब बाहुबली–२ भन्दा मात्र पठान पछि देखिएको छ। फिल्मले भ्यालेन्टाइन डेका अवसरमा २५ प्रतिशत आम्दानी वृद्धि गरेको थियो।
यता शहजादा ८५ करोड भारतीय रुपैयाँमा निर्माण भएको हो। जसमा २० करोड भारतीय रुपैयाँ विज्ञापन र प्रचारप्रसारमा खर्च भएको बताइएको छ। नेटफ्लिक्सले ४० करोडमा ओटीटी अधिकार खरिद गरिसकेको छ।
यस्तै विदेशमा पनि यसको रिलिज अधिकार पाँच करोडमा बिक्री भएको छ। यस्तोमा निर्मातालाई अब ४० करोड भारतीय रुपैयाँ मात्र लागत उठाउनु पर्नेछ। यसका सागथै संगीत र स्याटलाइट अधिकारमा १०/१० करोडको आम्दानी हुने निर्माताले गरेका छन्।
फिल्ममा कार्तिक आर्यन, कृति सेनन, मनिषा कोइराला र परेश रावलजस्ता कलाकारको मूख्य भूमिका रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
