पानामा बस दुर्घटनामा ३३ जनाको मृत्यु

विश्व

नेपाल लाइभ बुधबार, फागुन ३, २०७९ २०:३०

एजेन्सी– आप्रवासीलाई लिएर संयुक्त राज्य अमेरिकातर्फ जाँदै गरेको बस बुधबार पानामामा मिनीबससँग ठोक्किँदा कम्तीमा ३३ जनाको मृत्यु भएको मध्य अमेरिकी मुलुक पानामाको प्रहरीले बताएको छ।

पानामाका राष्ट्रिय आप्रवासन निर्देशक समिरा गोजाइनले टेलिमेट्रो प्रसारकसँग भने, ‘अहिलेसम्म हामीलाई ३३ जनाको मृत्यु भएको जानकारी प्राप्त भएको छ। यसपहिले राष्ट्रपति लोरेन्टिनो कोर्टिजोले चिरिकीको ग्वालाकामा बिहान भएको दुर्घटनामा परी १५ जनाको मृत्यु भएको पुष्टि गर्नुभएको थियो।’

राजधानी पानामा सहरबाट करिब ४०० किलोमिटर पश्चिममा बस दुर्घटना भएको र बसमा चालक र सहचालकसहित ६६ जना सवार रहेको प्रहरी ट्रान्जिट अपरेशनका आयुक्त एमिलियानो ओटेरोले जानकारी दिए।

अधिकारीहरूले पीडितहरूको राष्ट्रियता र घाइतेहरूको सङ्ख्याबारे अझै जानकारी दिएका छैनन्। कोर्टिजोले भने, ‘सरकारले दुर्घटनामा घाइते भएकाहरूको लागि निःशुल्क उपचार सेवा प्रदान गर्ने छ।’

गोजाइनका अनुसार दुर्घटनास्थलमा तीन जना गम्भीर घाइते भएका छन्। स्थानीय सञ्चारमाध्यमका अनुसार घाइतेमध्ये धेरैलाई एम्बुलेन्समार्फत् चिरिकी प्रान्तीय राजधानी डेभिडको एक अस्पतालमा लगिएको छ।

कोलम्बियासँग सीमा जोडिएको पानामाको पूर्वी क्षेत्र डेरिएनबाट पश्चिमतर्फ कोस्टारिकातर्फ जाँदै गरेको उक्त बसले मध्य अमेरिका र मेक्सिको हुँदै संयुक्त राज्य अमेरिकासम्म पुग्नेगरी छुटेको थियो।

सन् २०२२ मा संयुक्त राज्य अमेरिका जाने क्रममा पानामा आउने अनियमित आप्रवासीहरूको सङ्ख्या लगभग दोब्बर भएर दुई लाख ४८ हजार पुगेको छ भने यसमध्ये आधाभन्दा बढी भेनेजुएलाका नागरिक रहेको अध्यागमन प्राधिकरणले जनवरी १ मा दिएको रिपोर्टमा उल्लेख गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

गाजामा इजरायली आक्रमणबाट एक सय बढीको मृत्यु, २ सय बढि घाइते

नोरा फतेही काठमाडौँमा, हायात ग्राउण्डमा उनी सहित नेपाली कलाकारले प्रस्तुती दिने

कांग्रेस संसदीय दलको बैठक बस्दै