काठमाडौं– भ्यालेनटाइन–डे को अवसर पारेर सर्ट फिल्म ‘आराध्या’ सार्वजनिक गरिएको छ। यो फिल्मलाई सञ्चारकर्मी रामजी ज्ञवालीले निर्देशन गरेका हुन्।
ज्ञवालीले यसअघि हनिमुन, डार्क मुन, एक लभर लगायत झण्डै दर्जन सर्ट फिल्म र केही म्यूजिक भिडियो निर्देशन गरिसकेका छन्।
मंगलबार सार्वजनिक भएको ‘आराध्या’ मा व्यस्त परिवारभित्र हुर्किरहेका बच्चाले बाबु आमाबाट पर्याप्त रेखदेख नपाउँदा उत्पन्न हुने मनोभावलाई देखाइएको छ।
बाबु आमाले आफ्नो छोरीको जन्मदिन र विद्यालयको वार्षिकोत्सवमासमेत समय दिन नसकेपछि छोरीले आफैंले आफैंलाई जन्मदिनको शुभकामना दिएको दृश्यले धेरैको मन छुन्छ।
अभिभावकहरु पेशा व्यवसायमा संलग्न भएको हरेक सहरीया परिवारको कथा सर्ट फिल्मले देखाएको र उनीहरुलाई सोच्न बाध्य पारेको निर्देशक ज्ञवालीले बताए। फिल्मको कथा निर्देशक ज्ञवाली र आर्यन अधिकारीले लेखेका हुन्।
सर्ट फिल्ममा चर्चित अभिनेता आमिर गौतमले बुवाको र अभिनेत्री सुरविना कार्कीले आमाको भूमिका निभाएका छन् भने बाल कलाकारको भूमिकामा द्रोस्टी शाह छिन्।
त्यसैगरी सफु बुढाथोकी, नारायण कँडेल, प्रान्जल पौडेल, सृष्टि भुषाल लगायतका कलाकारको अभिनय पनि सर्ट फिल्ममा देख्न सकिन्छ। यसअघि यो फिल्मको गीत ‘मिठी पापा’ र टिजर सार्वजनिक भएका थिए। पत्रकार जीवन भण्डारीले लेखेको गीतमा बाल गायीका आरसी शाहको स्वर रहेको छ।
एक हप्ताभन्दा धेरै समय लगाएर काठमाडौं आसपासमा खिचिएको यो सर्ट फिल्म केही अन्तर्राष्ट्रिय फिल्म फेस्टिबलमा सहभागी गराउँदा नेपालमा सार्वजनिक गर्न ढिला भएको निर्देशक ज्ञवालीले जानकारी दिए।
इन्जिनियर सन्जित कुमार शाहको लगानी, विशाल निरौलाको म्यूजिक तथा एरेन्ज रहेको सर्ट फिल्म राम्रो इन्टरटेनमेन्टको ब्यानरमा निर्माण भएको हो।
फिल्मका प्रमुख सहायक निर्देशक बाबुराम निरौला हुन् भने युवराज घिमिरेले सहायक निर्देशकको जिम्मेवारी सम्हालेका थिए।
फिल्मलाई नहकुल खड्काले सम्पादन र संकल्प भुजेलले खिचेका हुन्। सर्ट फिल्ममा निशा खनालको मेकअप, राजेन्द्र मोक्तानको कलर ग्रेडिङ, योगेशकाजीको ब्याकग्राउण्ड म्यूजिक रहेको छ।
हेर्नुहोस् फिल्म
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
