आईएमएफसँगको वार्ता असफल : अनिश्चयतर्फ धकेलिँदै पाकिस्तान

विश्व

नेपाल लाइभ आइतबार, माघ २९, २०७९ ०७:४५

इस्लामावाद- अन्तर्राष्ट्रिय मुद्रा कोष (आईएमएफ)सँगको वार्ता असफल भएपछि पाकिस्तान आर्थिक स्थिति अनिश्चिततातर्फ धकेलिएको छ। सरकारी अधिकारी र आईएमएफबीच पाकिस्तानलाई एक अर्ब अमेरिकी डलरभन्दा बढी सहायता राशी उपलव्ध गराउनेसम्बन्धी वार्ता असफल भएपछि इस्लामावाद कठिन स्थितिमा पुगेको हो।

शिथिल भएको देशको अर्थतन्त्रलाई गतिशील तुल्याउन तथा आर्थिक सङ्कट उत्पन्न हुन नदिन पाकिस्तान सरकारले आईएमएफबाट प्याकेजमा सहायता जुटाउने प्रयास गरेको थियो। सैनिक खर्च अधिक विनियोजन गरेको पाकिस्तान सरकारले अन्य क्षेत्रमा सन्तुलित रूपमा रकम विनियोजन गर्न नसक्दा आर्थिक स्थिति नाजुक बनेको आर्थिक विश्लेषकहरूले बताएका छन्। विदेशी मुद्रा सञ्चिति अकल्पनीय ढङ्गले घटेको छ।

वार्ताको क्रममा आईएमएफको प्रतिनिधिमण्डलले पाकिस्तानलाई आईएमएफले पाकिस्तानलाई सत्रौँ तह र त्यसभन्दा माथिका सरकारी अधिकारीको सम्पत्ति घोषणा गर्न आग्रह गरेको थियो।

सम्पत्ति घोषणाको प्रक्रिया सहज तुल्याउन कानुन कार्यान्वयन निकायलाई सम्पत्तिमा पहुँच दिने निर्देशिका तर्जुमा गर्न, स्थानीय मुद्राका लागि बजार निर्धारित विनियम दर, इन्धन अनुदान सहजतालगायत आर्थिक सङ्कटबाट पार लगाउने उपायसहित धेरै पूर्वशर्त अघि सारेको थियो। भ्रष्टाचार नियन्त्रण तथा जवाफदेहिता सुनिश्चित गर्नुपर्नेमाजोड दिँदै आईएमएफको टोलीले त्यसनिम्ति कार्यदल गठन गर्ने प्रतिबद्धता पूरा गर्न इस्लामावादसँग आग्रह गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

देउवाले भने: अहिलेको प्रणालीकै कारण मिलेर सरकार बनाउनुपर्ने र चुनाव लड्नुपर्ने बाध्यता छ

इन्धनमा बायोइथानोलको प्रयोग बढाउँदै इन्डोनेसिया, सरकारको रणनीतिक योजना सार्वजनिक

धुलिखेलमा करेन्ट लागेर मजदुरको मृत्यु