सशस्त्रका चार एसएसपी डीआईजी बढुवा सिफारिस

सुरक्षा/अपराध

नेपाल लाइभ बिहीबार, माघ २६, २०७९ ०७:४२

काठमाडौं– सशस्त्र प्रहरी बल (एपीएफ) नेपालमा ९ महिनादेखि रिक्त रहेको नायब महानिरीक्षक (डीआईजी)का लागि चार जना सशस्त्र प्रहरी वरिष्ठ उपरीक्षकहरू बढुवा सिफारिस भएका छन्।

गृह मन्त्रालयका अनुसार एसएसपीहरू सुरेशकुमार श्रेष्ठ, अन्जनीकुमार पोख्रेल, दीपेन्द्र शाह र पुरषोत्तम थापा डीआईजीमा बढुवाका लागि सिफारिस भएका हुन्। बढुवा सिफारिसका विषयमा चित्त नबुझे सात दिनभित्र उजुरी सुन्ने समितिमा उजुरी दिन भनिएको छ।

कुल १६ डीआईजीको दरबन्दी रहेकोमा राजु अर्यालय गत वैशाखमा आईजीमा बढुवा भएदेखि नै दरबन्दी रिक्त हुँदै आएको थियो। गत वैशाख १८ गते अर्याल आईजीमा बढुवा भएपछि डीआईजी पद रिक्त हुन सुरु गरेको थियो।

उनीसँगै नारायणदत्त पौडेल र चन्द्रप्रकाश (सीपी) गौतम एआईजीमा बढुवा भएपछि सशस्त्रमा ३ डीआईजी पद रिक्त भयो। त्यसपछि एआईजीको दरबन्दी थप गर्दै गत भदौ ६ गते वंशीराज दाहाललाई एआईजीमा बढुवा गरेपछि सशस्त्रमा ४ डीआईजीको दरबन्दी रिक्त भएको थियो।

सोही रिक्त पदमा बढुवाका लागि चार एसएसपीहरूलाई सिफारिस गरिएको हो।

सम्बन्धित समाचार :
सशस्त्रमा ९ महिनादेखि रिक्त रहेको डीआईजी पदमा बढुवा प्रक्रिया सुरु, को–को छन् प्रतिस्पर्धी?

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जीतपुरसिमराका तत्कालीन गाविस सचिवविरुद्ध ३८ लाखको भ्रष्टाचार मुद्दा

वाग्मतीमा समस्याग्रस्त सहकारी संस्थाको संख्यामा वृद्दि , १३७ संस्थाविरूद्ध उजुरी

टर्कीमा अवैध रुपमा बसेका पाँच नेपाली निष्काशित