जुम्ला– जुम्लाको ठिन्केमा एक घरमा आगलागी हुँदा १३ वर्षीया बालिको मृत्यु भएको छ। जुम्लाको चन्दननाथ नगरपालिका वडा नम्बर १ ठिन्केका लोकबहादुर भण्डारीको घरमा आगलागी भएको हो।
आगोमा परेर भण्डारीकी १३ वर्षीया छोरी बन्दना भण्डारीको मृत्यु भएको जिल्ला प्रहरी कार्यालय जुम्लाले जनाएको छ। घरभित्र सुतिरहेको अवस्थामा आगलागी हुँदा उनको मृत्यु भएको हो।
राति १२ बजेतिर आगलागी भएको जिल्ला प्रहरी कार्यालय जुम्लाका डिएसपी नरेन्द्र चन्दले बताए। आगलागीबाट भएको क्षतिबारे अनुसन्धान भइरहेको प्रहरीले जनाएको छ।
आगलागीबाट भण्डारीको घर जलेर पूर्ण रुपमा क्षति भएको छ। अन्य क्षतिको विवरण संकलन भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773837959.png)
