काठमाडौं– राजस्व अनुसन्धान विभागले पछिल्लो तीन महिनामा ६४ करोड ३१ लाखको मुद्दा दर्ता गरेको छ।
कात्तिक १६ देखि माघ १६ सम्म ८ प्रतिवादी रहेको ६ थान मुद्दा दायर भएङ्को विभागका महानिर्देशक मदन दहालले जानकारी दिए। जसमा सजाय माग दाबी ६४ करोड ३१ रहेको छ।
विभागले अन्य निकायमा ७६ थान मुद्दा लेखि पठाएको छ। जसमा ६ करोड ९२ लाख ६७ हजार ८ सय ९२ रुपैयाँ रकम रहेको छ।
विभागले विनिमयतर्फ ५२ लाख ३३ हजार ४ सय ३७ रुपैयाँ माग दाबी गर्दै मुद्दा दायर गरेको छ। जसमा ५ थान मुद्दा र ६ प्रतिवादी बनाइएको छ।
मालवस्तु तथा ढुवानी साधनको अनुगमन भीसीटीएसतर्फ अनुगमनबाट ५८ लाख १८ हजार जरिवाना असुल भएको विभागले जनाएको छ।
पछिल्लो केही महिना आयातमा भएको कडाईका कारण वस्तुको चोरी पैठारी बढ्ने सूचनाको आधारमा विभागले गरेको अनुसन्धान र अनुगमनमा चिनी, कपडा, मदिरा र विद्युतीय सामानमा तीन महिनाको अवधिमा यी मुद्दा दायर भएको महानिर्देशक दहालले बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
