काठमाडौं– नेकपा (एमाले)का उपाध्यक्ष एवम् पूर्वसभामुख सुवासचन्द्र नेम्वाङले अध्यादेश ल्याउनका लागि संसद् अधिवेशन जानीजानी अन्त्य गर्ने काम सरकारले गर्न नहुने बताएका छन्।
नेम्वाङले कुनै पनि लोकतान्त्रिक सरकारले अध्यादेश ल्याउनका लागि संसद् अधिवेशन अन्त्य गर्न नमिल्ने तर्क गरे। तर, विगतका सरकारहरूले संसद्मा विधेयक ल्याएर कानुन बनाउनुपर्नेमा अध्यादेश ल्याएर गल्ती गरेको नेम्वाङको निष्कर्ष छ।
सोमबार प्रतिनिधि सभा नियमावली मस्यौदा समितिको सिंहदरबारमा बसेको बैठकमा बोल्दै उनले हरेक लोकतान्त्रिक सरकारले अध्यादेशको बाटो जान नपरोस् भन्ने सोच राख्नुपर्ने स्पष्ट पारे। उपाध्यक्ष नेम्वाङले संसद्लाई बन्द गरिदिने अनि अध्यादेश ल्याउने सजिलो बाटो सरकारले खोज्न नहुने पटकपटक दोहोर्याए।
संसद्लाई छलेर अध्यादेश ल्याउने काम संविधानमा पनि नभएको उल्लेख गर्दै त्यस्तो काम गर्न नमिल्ने गरी आवश्यक व्यवस्था मिलाउनुपर्ने उनको भनाइ छ।
‘अध्यादेश ल्याउनका लागि जानीजानी संसद् अधिवेशन अन्त्य गर्ने गरिएको छ। यो त अधिवेशन नचलिरहेको अवस्था उत्पन्न गर्न जानीजानी काम गरिएको भयो। तत्काल केही गर्न आवश्यक पर्यो भने पनि अध्यादेश ल्याउने व्यवस्था छ। सरकारलाई दिइएको यो राइट नै हो। तर, यो अपवादका लागि हो’, नेम्वाङले भने।
नेम्वाङले संविधानमा त्रुटी देखाएर गल्ती आफूले गर्ने काम सरकारले नगर्न नमिल्ने पनि बताए। भारतीय संविधान निर्माता अम्बेडकरको भनाई उदृत गर्दै उनले गल्ती, कमीकमजोरीहरू आफूमा राखेर संविधानमा त्रुटी देखाउने काम सरकारले गर्न नहुने टिप्पणी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
