काठमाडौं– श्रीलंकाको ७५ औं स्वतन्त्र दिवसको उपलक्ष्यमा आयोजना हुने कार्यक्रममा सहभागी हुन परराष्ट्रमन्त्री बिमला राई पौड्याल आज (बिहीबार) श्रीलंका प्रस्थान गर्दैछिन्। श्रीलंका सरकारको निमन्त्रणमा मन्त्री पौड्याल त्यसतर्फ प्रस्थान गर्न लागेकी हुन्। परराष्ट्र मन्त्रालयको जिम्मेवार सम्हालेपछि मन्त्री पौड्याल पहिलो विदेश भ्रमण गर्न लागेकी हुन्।
उक्त भ्रमणमा मन्त्री पौड्यालले श्रीलंकाली समकक्षी अलि स्याब्रीदेखि प्रधानमन्त्री र राष्ट्रपति लगायत उच्च तहको भेट गर्ने छिन्। श्रीलंकाले आफ्नो ७५ औँ स्वतन्त्रता दिवस आउँदो शनिबार मनाउँदै छ।
यस्तो छ भ्रमण तालिकाः
बिहिबार श्रीलंका प्रस्थान गर्ने। शुक्रबार समकक्षी अलि स्याब्रिसँग शिष्टाचार भेट गर्ने। सोही दिन मध्याह्नपछि प्रधानमन्त्री दिनेश गुनवर्धनेसँग शिष्टाचार भेट गर्ने। र साँझ त्यहाँको सांस्कृतिक कार्यक्रममा सहभागी हुने।
शनिबार ७५औं स्वतन्त्रता दिवसको विषेश कार्यक्रम सहभागी हुने। शनिबार मध्याह्न राष्ट्रपति रनिल विक्रमासिंघेसँग शिष्टाचार भेट गर्ने र रात्री भोजमा सहभागी हुने।
मन्त्री पौड्याल आइतबार बिहान स्वदेश फिर्ता हुने कार्यक्रम रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778409050-1778409499.jpeg)
-1764146706.png)
