काठमाडौं– नेकपा एमालेका सांसद ईश्वरबहादुर रिजालले बाँदरले किसानको उठिबास लगाएको भन्दै बालि बीमा सुनिश्चित गर्न माग गरेका छन्।
प्रतिनिधि सभाको बुधबारको बैठकको शून्य समयमा बोल्दै सांसद रिजालले दोलखाका किसानलाई बाँदरले सताएको उल्लेख गरे।
‘दोलखा जिल्लामा बाँदरको प्रकोप बढेको छ। मान्छेहरुले कमाई खेती छाडेका छन्। बसाइँ सरेका छन्। अहिले बाँदरको साम्राज्य बढेको छ। कृषिमा आत्मनिर्भर हुने कुरा गरेका छौँ तर बाँदरले उठिबास लगाएको छ’, उनले भने, ‘म के अनुरोध गर्छु भने एउटा अध्ययन टोली बनाइयोस् र संविधानको भाग ३ को धारा ३६ अनुसार खाद्य अधिकारको सुरक्षाका लागि बालि बीमाको सुनिश्चित गरियोस्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
