जेनेभा– विश्व स्वास्थ्य संगठन (डब्लुएचओ) ले कोभिड–१९ महामारी अझै 'पब्लिक हेल्थ इमर्जेन्सी अफ इन्टरनेशनल कन्सर्न' (पीएचईआईसी) रहेको सोमबार जनाएको छ। यो विश्व स्वास्थ्य संगठनको उच्च सतर्कता स्तर हो।
कोभिड १९ बाट भएको मृत्यु दर विश्वव्यापी रूपमा वृद्धिको बीचमा यो घोषणा आएको हो। शुक्रबार कोभिड–१९ महामारीको त्रैमासिक मूल्यांकन बैठकपछि डब्ल्यूएचओको अन्तर्राष्ट्रिय स्वास्थ्य नियमन (२००५) आपतकालीन समितिले पिएचआइसि सोमबार घोषणा गर्यो, जसप्रति डब्लूएचओका महानिर्देशक डा टेड्रोस अधानोमले सहमति जनाएका छन्।
कोभिड–१९ स्वास्थ्य प्रणालीमा ठूलो नोक्सानी पुर्याउने क्षमता भएको खतरनाक संक्रामक रोग बनेको छ। समितिले कोभिड–१९ महामारी संक्रमणको विन्दुनजिक पुगेको स्वीकार गर्दै विज्ञप्ति प्रकाशन गरेको छ।
’यद्यपि संक्रमण वा खोपले विश्वव्यापी रूपमा जनसंख्याको प्रतिरोधात्मक क्षमता उच्च स्तरमा पुर्याउन सक्छ र रोग र मृत्युदरको प्रभावलाई सीमित गर्न सक्छ। यसमा कुनै शंका छैन कि यो भाइरस निकट भविष्यको लागि मानिस र जनावरहरूमा स्थायी रूपमा स्थापित रोग रहीरहनेछ,’ समितिले विज्ञप्तिमा भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
