ललितपुर– ललितपुर महानगरपालिकाले सडक किनारामा रोपिएका बिरुवा नष्ट गर्नेलाई कारबाही हुने बताएको छ।
महानगरले एक सूचना जारी गर्दै शहरलाई हरियाली बनाउने अभियानविरुद्ध बिरुवा फालिएको प्रमाण प्राप्त भएको जनाएको छ।
पछिल्लो समय महानगरले हरियालीसहितको ‘स्मार्ट सिटी’ बनाउन विभिन्न स्थानमा वृक्षारोपण गर्दै आइरहेको छ। सडकमा रोपिएका बिरुवालाई नष्ट र उखेलेर फालेको जानकारी प्राप्त भएमा कानुन बमोजिम कडा कारबाही गरिने महानगरले सोमबार जारी गरेको सूचनामा जनाइएको छ।
‘वातावरण जोगाउन, सहरलाई सुन्दर बनाउन बिरुवा हुर्काउनु र जोगाउनु हामी सबैको कर्तव्य र जिम्मेवारी हो। महानगरपालिका असल र जिम्मेवार नागरिकको भूमिका निर्वाह गर्न सबैलाई अनुरोध गर्दै हरियालीसहितको महानगर निर्माणमा साथ र सहयोगको अपेक्षा गर्दछ’, महानगरले जारी गरेको सूचनामा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
