प्रतिनिधि सभाको सभामुखमा देवराज घिमिरे निर्वाचित

राजनीति

नेपाल लाइभ बिहीबार, माघ ५, २०७९ १५:१५

काठमाडौं– प्रतिनिधि सभाको सभामुखमा देवराज घिमिरे निर्वाचित भएका छन्। बिहीबारको प्रतिनिधि सभा बैठकमा एमाले सांसद सुवास नेम्वाङले घिमिरेलाई निर्वाचित गरियोस् भन्ने प्रस्ताव राखेका थिए। सो प्रस्तावमाथि छलफल र निर्वाचन भएपछि घिमिरे निर्वाचित भएका हुन्।

घिमिरेलाई निर्वाचित गरियोस् भन्ने प्रस्तावको पक्षमा १६७ मत परेको थियो। उनको विपक्षमा १०० मत परेको थियो। मत दिन्नँ भन्नेमा १ मत परेको थियो। मतदानमा उपस्थित सांसदको संख्या २६८ रहेको थियो।

उम्मेदवारी दर्ताको पहिलो क्रममै रहेका घिमिरे निर्वाचित भएपछि अर्की उम्मेदवार ईश्वरी न्यौपानेलाई निर्वाचित गरियोस् भन्ने प्रस्तावमाथि मतदान गर्नुपरेन्।

ज्येष्ठ सदस्यका रुपमा सभा सञ्चालन गरिरहेका पशुपति शमशेर जबराले घिमिरे सभामुखमा निर्वाचित भएको घोषणा गरेका हुन्।

एमालेका स्थायी कमिटी सदस्य समेत रहेका घिमिरे मंसिर ४ को निर्वाचनमा झापा-२ बाट निर्वाचित भएका थिए। उम्मेदवारी दर्तापछि दिएको प्रतिक्रियामा उनले विगतका सभामुखबाट शिक्षा लिएर आफूले जिम्मेवारी निर्वाह गर्ने बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूनको मूल्य एकैदिन प्रतितोलामा एक हजार पाँच सय रूपैयाँ बढ्यो सुनको भाउ

प्रमुख सत्तारुढ दल नै सडकमा, दरबारमार्ग आसपासमा ट्राफिक जाम

नेतन्याहु, ग्यालेन्ट र डिफविरुद्ध आईसीसीको पक्राउ पुर्जी जारी