काठमाडौं- पोखरामा भएको विमान दुर्घटनामा पर्नेहरुको उद्धार कार्य जारी छ। नेपाल नागरिक उड्डयन प्राधिकरणले विज्ञप्तिमार्फत गराएको जानकारी अनुसार मृतकको संख्या ६८ पुगेको छ।
आइतबार बिहान १० बजेर ३२ मिनेटमा काठमाडौंस्थित त्रिभुवन विमानस्थलबाट पोखराका लागि उडेको यती एयरलाइन्सको NYT 691, 9N-ANC विमान दुर्घटनामा परेको हो। पोखरा विमानस्थलमा अवतरणको लागि अनुमति पाएको र अवतरणको क्रममा रहेको सो विमान सेती नदीको खोंचमा खसेको थियो।
विमानमा ७२ जना थिए। जसमा ६८ यात्रु र ४ जना चालक दलका सदस्य थिए। यात्रुहरुमा ५३ जना नेपाली थिए। बाँकी विदेशी थिए। विदेशी यात्रुहरुमा भारतका ५ जना, रसियाका ४ जना, कोरियाका २ जना, आयरल्याण्डका १ जना, अस्ट्रेलियाका १ जना, अर्जेन्टिनाका १ जना, फ्रान्सका १ जना थिए। जसमा महिला २५, पुरुष ३७, बालक ३ र शिशु ३ जना थिए।
विमानमा चार जना चालक दलका सदस्यहरु थिए। उनीहरु कमल केसी, अञ्जु खतिवडा, सृजना होंगचुन र ओसिन आले मगर हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
