काठमाडौं– बलिउडमा चार वर्षपछि मुख्य अभिनेताको रुपमा पुनरागमन गर्न लागेका शाहरुख खानले सन् २०२३ मा 'पठान', 'जवान' र 'डंकी' गरी तीन फिल्म रिलिज गर्दैछन्।
सलमान खानका दुई फिल्म 'टाइगर ३' र 'किसी का भाइ किसीकी जान' पर्दामा आउनेछन्। प्रश्न उठ्छ कि के कुनै खान सुपरस्टारले यस पटक वर्षको सबैभन्दा धेरै कमाइ गर्ने फिल्म दिन सक्लान्? पछिल्लो ६ वर्षको रेकर्ड हेर्ने हो भने कुनै पनि खान सुपरस्टारले वर्षको सबैभन्दा धेरै कमाइ गर्ने फिल्म दिएका छैनन्। सन् २०१७ भन्दा अघि खान सुपरस्टारले लगातार १० वर्षसम्म शीर्ष स्थान ओगटेका थिए।
सन् २०२२ मा कन्नड सिनेमाको यश स्टारर फिल्म 'केजीएफ च्याप्टर २'ले बक्स अफिसमा सबैभन्दा धेरै कमाइ गरेको थियो। यो फिल्मको हिन्दी भर्सनले करिब ४३४.७० करोड भारु कमाएको थियो। सन् २०२२ मा शाहरुख खान र सलमान खानको कुनै हिन्दी फिल्म थिएन। तर आमिर खानको 'लाल सिंह चड्ढा' रिलिज भएको थियो, जुन घटेर ५८.७३ करोड भारुमा झरेको थियो र सूचीको १९औं स्थानमा थियो।
सन् २०२१ मा सबैभन्दा धेरै कमाइ गर्ने फिल्मको रेकर्ड हलिउड फिल्म 'स्पाइडर म्यानः नो वे होम' हो, जसले करिब २१८ करोड भारु कमाएको थियो। सलमान खानका दुई फिल्म 'राधे' र 'एन्टिम' सन् २०२१ मा रिलिज भएका थिए, जसमध्ये 'राधे' ओटीटी प्लेटफर्ममा आएको थियो भने 'एन्टिम'ले बक्स अफिसमा मात्र ३९.०६ करोड भारु कमाएको थियो।
सन् २०२० मा सबैभन्दा धेरै कमाइ गर्ने फिल्म अजय देवगनले दिएका थिए। उनको फिल्म 'तान्हाजीः द अनसंग वारियर'ले २७९.५५ करोड भारु कमाएको थियो। यो वर्ष खानका तीन फिल्ममध्ये कुनै पनि फिल्म पर्दामा रिलिज भएको थिएन।
सन् २०१९ मा हलिउड फिल्म 'एभेन्जर्सः एन्डगेम' ले करिब ३७३.२२ करोड भारु कमाएर सबैभन्दा बढी कमाइ गर्ने फिल्म बनेको थियो। सलमान खानका दुई फिल्म 'भारत' र 'दबंग ३' रिलिज भएका थिए र यी दुईमध्ये कुनै पनि टप ४ मा पुग्न सकेनन्। यी दुवै चलचित्रको कलेक्सन क्रमशः २११.०७ करोड र १४६.११ करोड थियो। आमिर र शाहरुखको कुनै फिल्म थिएन।
सन् २०१८ मा रणबीर कपुर अभिनित फिल्म 'सञ्जु' सबैभन्दा धेरै कमाई गर्ने फिल्म बनेको थियो। यो फिल्मले ३४२.५३ करोड भारु कमाएको थियो। सोही वर्ष सलमान खानको 'रेस ३', आमिर खानको 'ठग्स अफ हिन्दोस्तान' र शाहरुख खानको 'जिरो' रिलिज भएका थिए र यी फिल्मले क्रमशः १६६.४० करोड, १५१.१९ करोड र ९०.२८ करोड भारु कमाएका थिए। यीमध्ये कोही पनि शीर्ष ५ मा पुग्न सकेनन्।
सन् २०१७ को सबैभन्दा बढी कमाइ गर्ने फिल्म प्रभास अभिनित 'बाहुबली २ : द कन्क्लुजन' थियो, जसले करिब ५१० करोड भारु कमाएको थियो। यो वर्ष सलमान खानका दुई फिल्म 'ट्युबलाइट' र 'टाइगर जिन्दा है' रिलिज भएका थिए, जसको कलेक्सन करिब ११९.२६ करोड र ३३९.१६ करोड थियो। आमिर खानको 'सिक्रेट सुपरस्टार'ले ६३.४० करोड भारु कमायो भने शाहरुख खानका दुई फिल्म 'रईस' र 'जब ह्यारी मेट सेजल'ले क्रमशः १३७.५१ करोड र ६४.३३ करोड भारु कमाए।
सन् २०१६ मा आमिर खान अभिनित 'दंगल' ले सर्वाधिक ३८७.३८ करोड भारु कमाएको थियो। सलमान खानको फिल्म 'सुल्तान' पनि थियो, जसले करिब ३००.४५ करोड भारु कमाएको थियो। शाहरुख खानका दुई फिल्म 'फ्यान' र 'डियर जिन्दगी' रिलिज भएका थिए, जसको कलेक्सन क्रमशः ८४.१० करोड र ६८.१६ करोड थियो।
सन् २०१५ को सबैभन्दा धेरै कमाइ गर्ने फिल्म सलमान खानले दिएका थिए, जुन 'बजरंगी भाइजान' थियो। यो फिल्मले ३२०.३४ करोड भारु कमाएको थियो। सलमान खानको फिल्म 'प्रेम रतन धन पायो' ले करिब २१० करोड भारु कलेक्सन गर्दै दोस्रो नम्बरमा थियो। आमिर खानको कुनै पनि फिल्म थिएन भने शाहरुख खानको फिल्म 'दिलवाले' रिलिज भएको थियो, जसले करिब १४८.७२ करोड भारु कमाएको थियो।
सन् २०१४ मा आमिर खान अभिनित फिल्म 'पीके' सर्वाधिक कमाई गर्ने फिल्म बनेको थियो। यसको कलेक्सन करिब ३४०.८ करोड़ थियो। सलमान खानका दुई फिल्म 'जय हो' र 'किक' रिलिज भएका थिए र दुवैको कलेक्सन क्रमशः ११६ करोड र २३१.८५ करोड थियो। शाहरुख खानको फिल्म 'ह्याप्पी न्यू इयर' ले करिब २०३ करोड भारु कलेक्सन गरेको थियो।
सन् २०१३ मा आमिर खानको फिल्म 'धुम ३' ले सबैभन्दा बढी २८४.२७ करोड भारु कमाएको थियो। यो वर्ष सलमान खानको कुनै पनि फिल्म रिलिज भएको थिएन। शाहरुख खानको फिल्म 'चेन्नई एक्सप्रेस' ले करिब २२७.१३ करोड भारु कमाएको थियो।
सन् २०१२ मा सलमान खान अभिनित फिल्म 'एक था टाइगर' सर्वाधिक कमाइ गर्ने फिल्म बनेको थियो। यो फिल्मले करिब १९८.७८ करोड भारु कलेक्सन गरेको थियो। सलमान खानको फिल्म 'दबंग २' पनि दोस्रो नम्बरमा थियो, जसले करिब १५५ करोड भारु कमाएको थियो। आमिर खानको फिल्म 'तलाश' ले यो वर्ष करिब ९३.४० करोड भारु कलेक्सन गरेको थियो। शाहरुख खानको फिल्म 'जब तक है जान' पनि थियो र यो फिल्मको कलेक्सन करिब १२०.८५ करोड भारु थियो।
सन् २०११ मा सलमान खानको पहिलो र दोस्रो सर्वाधिक कमाइ गर्ने फिल्म थियो। उनको 'बडिगार्ड' करिब १४८.८६ करोड भारुका साथ शीर्ष स्थानमा रह्यो भने 'रेडी' ११९.७८ करोड भारुका साथ दोस्रो स्थानमा रह्यो। आमिर खानको कुनै पनि फिल्म थिएन। शाहरुख खानका दुई फिल्म 'रा-वन' र 'डन २' रिलिज भएका थिए र यी फिल्मको कलेक्सन क्रमशः ११४.२९ करोड र १०६.७१ करोड थियो।
सलमान खानको 'दबंग' सन् २०१० मा सबैभन्दा धेरै कमाइ गर्ने फिल्म बनेको थियो, जसले करिब १३८.८८ करोड भारु कमाएको थियो। सलमान खानको अर्को फिल्म 'वीर' पनि यसै वर्ष आएको थियो, जसको कलेक्सन करिब ४६ करोड भारु थियो। अभिनेताका रुपमा आमिर खानको कुनै पनि फिल्म थिएन। शाहरुख खानको फिल्म 'माई नेम इज खान' रिलिज भएको थियो, जसको कलेक्सन करिब ८२.५२ करोड भारु थियो।
सन् २००९ मा आमिर खानको मुख्य भूमिका रहेको 'थ्री इडियट्स' सर्वाधिक कमाइ गर्ने फिल्म बनेको थियो। यो फिल्मले २०२.९५ करोड भारु कमाएको थियो । सलमान खानका तीन फिल्म 'वान्टेड', 'मैं और मिसेज खन्ना' र 'लण्डन ड्रिम्स' रिलिज भएका थिए र यी तीनैफिल्मको कलेक्सन क्रमशः ६०.२४ करोड, ७.४० करोड र २८.९६ करोड थियो। शाहरुख खानको फिल्म 'बिल्लू' ले करिब २२.९२ करोड भारु कमाएको थियो।
सन् २००८ मा आमिर खान अभिनित 'गजनी' ११४ करोड भारु कमाएर सबैभन्दा धेरै कमाइ गर्ने फिल्म बनेको थियो। यो वर्ष सलमान खानका तीन फिल्म 'गड तुसी ग्रेट हो', 'हिरोज' र 'युवराज' आए र तीनै फिल्मले बक्स अफिसमा क्रमशः १२.५१ करोड, १२.६३ करोड र १६.८९ करोड कलेक्सन गरे। शाहरुख खानको फिल्म 'रब ने बना दी जोडी' ले करिब ८४.६८ करोड भारु कमाएको थियो।
सन् २००७ मा शाहरुख खानको फिल्म 'ओम शान्ति ओम' करिब ७८.१७ करोड भारु ग्रसका साथ सर्वाधिक कमाइ गर्ने फिल्म बनेको थियो। यो वर्ष शाहरुख खानको अर्को फिल्म 'चक दे इन्डिया' पनि रिलिज भएको थियो, जसले करिब ६६.५४ करोड भारुको कलेक्सन गरेको थियो। आमिर खानको फिल्म 'तारे जमीन पर' ले करिब ६१.८३ करोड भारु कमाएको थियो। सलमान खानका चार फिल्म 'सलाम-ए-इश्क', 'पार्टनर', 'मेरिगोल्ड' र 'सावरिया' आए र यसको कलेक्सन क्रमशः २२.६८ करोड, ६०.०५ करोड, उपलब्ध नभएको र २०.९२ करोड थियो।
सन् २००६ मा ऋतिक रोशन अभिनित 'धूम २' सबैभन्दा धेरै कमाइ गर्ने फिल्म बनेको थियो, जसले करिब ८१.०१ करोड भारु कमाएको थियो। यो वर्ष सलमान खानका तीन फिल्म 'शादी करे फस गया यार', 'बाबुल' र 'जा-ए-मन' रिलिज भएका थिए। आमिर खानका दुई फिल्म 'रंग दे बसन्ती' र 'फना' आए।
शाहरुख खानका दुई फिल्म 'कभी अलविदा ना कहना' र 'डन' पर्दामा पुगे।
(यो सामग्री बलिउड सञ्चारमाध्यमको सहयोगमा तयार पारिएको हो।)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
