रामबाबु गुरुङको फूलबारीमा विपीनको फरक लुक्स

सिनेमा

नेपाल लाइभ मंगलबार, पुस ५, २०७९ १८:१३

काठमाडौं– ब्लकबस्टर निर्देशक रामबाबु गुरुङ निर्देशित सिनेमा 'फूलबारी'को टिजर सार्वजनिक गरिएको छ।

२ मिनेट २ सेकेण्ड लामो टिजरले पारिवारिक कथाको झल्को दिन्छ। टिजरमा प्राय मुख्य कलाकार अटाएका छन्। विपीन र अरुणा दम्पतिको भूमिकामा देखिएका छन्।

ब्याकग्राउण्डमा बज्ने सुरिलो संगीतले सिनेमाको कथासार भन्ने प्रयास गरेको छ।

सिनेमामा विपीन र अरुणासँगै दयाहाङ राई, प्रियंका कार्की, गौमाया गुरुङ, शिल्पा मास्के, अनुपम शर्मा, सोमनाथ खनाल, मनिष ढकाल, लोकेन्द्र लेखकलगायतका कलाकारहरूको अभिनय रहेको छ।

अभिभावक र सन्तानबीचको सम्बन्धको कथा भन्ने सिनेमामा उपेन्द्र सुब्बाको पटकथा र कमल किशोर मलपानीको कथा छ।

जोश हेरुमको छायाँकन रहेको सिनेमामा कालीप्रसाद बाँस्कोटा/अनुपम शर्माको संगीत र निमेष श्रेष्ठको सम्पादन छ।

फागुन ५ देखि सार्वजनिक प्रदर्शनमा आउने सिनेमामा मणिराम पोखरेलको कार्यकारी निर्माण र मनिष ढकालको निर्माण रहेको छ। सिनेमा यसोदा फिल्म्सको व्यानरमा निर्माण भएको हो।

यसै वर्ष रामबाबु निर्देशित 'कबड्डी ४'ले सर्वाधिक व्यापारको रेकर्ड राख्न सफल भएको थियो। त्यसैले 'फूलबारी'माथि बक्सअफिस नजर टिकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सर्लाहीमा बसले थिच्दा सशस्त्र प्रहरी इन्सपेक्टरको मृत्यु

नयाँ पार्टी घोषणाको तयारीमा रहेका भीम रावलको पत्रकार सम्मेलन आज, को–को होलान् उनको साथमा?

नेपालगञ्ज नाकाबाट ५९८ जनाको उद्धार