काठमाडौं– साउथकी चर्चित अभिनेत्री अमला पलले अजय देवगनको मुख्य अभिनय रहेको फिल्म ‘भोला’बाट बलिउडमा डेब्यु गर्दैछिन्।
अमलाले तमिल र मलयालम फिल्ममा उत्कृष्ट अभिनय गरेकी छन्। अमला पल साउथको मोस्ट डिमान्डिङ एक्ट्रेसको सूचीमा परेकी छन्। उनले 'रन बेबी रन' (मलयालम) को लागि 'सर्वश्रेष्ठ अभिनेत्री' को लागि फिल्मफेयर क्रिटिक्स अवार्ड प्राप्त गरेकी छन्।
अमला यसअघि हिन्दी वेब सिरिज ‘रञ्जीश ही साही’ मा देखिएकी थिइन्। अभिनेत्री परवीन बाबीको जीवनबाट प्रेरित यस सिरिजमा अमलाले आमना परवेजको भूमिका निभाएकी छन्। अब अमलाले अजय देवगनसँग फिल्म ‘भोला’ मा अभिनय गर्ने भएकी छन्। भोला २०१९ को तमिल फिल्म कैथीको हिन्दी रिमेक हो।
अमलाले रामचरण, अल्लु अर्जुन जस्ता साउथका सुपरस्टारहरूसँग पनि काम गरिसकेकी छन्। अमलालाई पल साउथको फिल्म 'माइना'मा उनको उत्कृष्ट अभिनयका लागि चिनिन्छ।
उनले कन्नड फिल्म ‘हेबुली’ बाट सुदीपसँग डेब्यु गरेकी थिइन्। अमला पल दक्षिणकी बिंदास अभिनेत्री हुन्। अमलाले पहिलो फिल्म नागा चैतन्यसँग गरेकी थिइन्।
अमला सामाजिक सञ्जालमा निकै सक्रिय रहन्छिन्। अमलाको राम्रो फ्यान फलोइङ छ। अब अमलाको जादु बलिउडमा चल्छ कि गर्दैन त्यो हेर्न बाँकी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
