काठमाडौं– प्रतिनिधि सभातर्फ नेपाली कांग्रेसले विजयको खाता खोलेको छ।
गण्डकी प्रदेशको मुस्ताङमा प्रतिनिधि सभा तर्फ मुस्ताङमा कांग्रेसले पहिलो जित हात पारेको हो।
प्रतिनिधि सभामा एक मात्र क्षेत्र रहेको मुस्ताङमा नेपाली काग्रेसका योगेश गौचन थकालीले एमालेका उम्मेदवार प्रेमबहादुर तुलाचनलाई पराजित गरेका हुन्।
गौचनले ३ हजार ९९२ मत प्राप्त गर्दा उनका निकटतम प्रतिद्वन्द्वी एमालेका तुलाचनले ३ हजार ७८ मत प्राप्त गरे।
कांग्रेस नेता रोमी गौचन थकालीका २९ वर्षीय छोरा योगेशले इन्ट्रीमै बाजी मारेका हुन्। अघिल्लो चुनावमा एमालेका तुलाचनले कांग्रेसका रोमी गौचनलाई पराजित गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752390485.png)
-1749826086.png)
