चुनावका समाचारमा पाठक प्रतिक्रिया: मतदान गर्नुअघि ९ वर्षे छोरीको आँखामा हेर्नेछु!

राजनीति

नेपाल लाइभ आइतबार, मंसिर ४, २०७९ १०:२०

काठमाडौं– प्रतिनिधि सभा र प्रदेश सभा सदस्यका लागि देशभर मतदान भइरहेको छ। नेपाल लाइभले प्रकाशित गरिरहेका मतदानसम्बन्धी समाचारमा पाठकहरुले आफ्ना ‘मत’ व्यक्त गरिरहेका छन्।

तीमध्ये केही मत महत्वपूर्ण छन्। ‘शीर्ष नेता र चर्चित उम्मेदवाहरुले कहाँबाट गरे मतदान?’ शिर्षकको समचारमा ‘धमलाजी’ फेसबुक ह्यान्डल भएका एक पाठक लेख्छन्, ‘अहिले मतदान गर्न जानु अगाडि मेरो ९ वर्षे छोरीको आँखामा हेर्नेछु। अनि आफूले १० वर्ष समातेको पासपोर्ट, मैले मल/बिउबिजन/जलमल नपाएको सम्झनेछु। दिनरात खाएको धुलो सम्झनेछु। आफ्नो देशको विमानस्थलदेखि परदेशको विमानस्थलसम्म र कर्म भूमिसम्म पाएको अपमान सम्झनेछु। कानुनको मोलमोलाइ भएको सम्झनेछु।’

सन्तानको भविष्य उज्यालो बनाउने, यही देशमा बस्न सकुन् भन्दै आफ्नो नङमा कालो लगाउने उनले बताएका छन्।
अरुको भविष्यमाथि कुलाडी चलाएर आफ्नो ७ पुस्ता बनाउनेको विरुद्धमा सधैं आफू रहेने उनको भनाइ छ। उनी थप्छन्, ‘म मेरो अनन्य मित्रहरू जस्तै रक्सी र २/४ हजार पैसामा बिकेर, मेरो सन्तानको जिन्दगी अझै वर्षौं अन्धकारमा धकेल्न सक्दिनँ। आफ्नो अधिकार प्रयोग गरौं। निर्वाचन नै जनताको संविधान हो। मेरो एक भोट परिवर्तन बन्न सक्छ, मेरो एक भोटले देश र जनताको भविष्य बदल्न सक्छ।’

रमिला चौलागाईंले ‘प्रधानमन्त्री पदकै कारण गठबन्धन टुट्दैन : प्रचण्ड’ भन्ने शीर्षकको समाचार आफ्नो मत राखेकी छन्। उनको शुभेच्छा छ, ‘यो कुरा (बोली) लामो समयसम्म टिकोस्।’ उनले कांग्रेस महामन्त्री गगन थापालाई प्रधानमन्त्री बनाउन आग्रह गरेकी छन्। उनी थप्छिन्, ‘शुशाशन, शान्ति र भयरहित वातावरण निर्माण गरौं। जसले दीगो विकास मौलाएर जानेछ। युवाहरूमा भएको आक्रोशलाई हामी सबै मिलेर देशमा रोजगारी सिर्जना गरौं।’

सोही समाचारमा दीपक लामाले भने माओवादी केन्द्रका अध्यक्ष पुष्पकमल दाहाल प्रचण्डको बोलीमा विश्वास गरेका छैनन्। उनी लेख्छन्, ‘यही पदका कारण अघिल्लोपटक पार्टी फुटाएको हैन? अनि यो त झन् गठबन्धन, बोलीमा बिश्वास गर्ने कि व्यवहारमा?’

राष्ट्रिय स्वतन्त्र पार्टीका अध्यक्ष तथा चितवन- २ का उम्मेदवार रवि लामिछानेले प्रदेश सभामा भोट नहालेका विषयमा पनि पाठक प्रतिक्रिया आएका छन्। ललित राई लेख्छन्, ‘पार्टी पनि खोल्ने, उम्मेदवारी दिएर मत पनि खसाल्ने, अनि प्रदेश सभा सदस्यको हकमा असहमति? यो त आउँदा आउँदै संविधान माथि नै ठाडो प्रहार भएन?’

अर्का पाठक मनोज ब्रह्मसाका उनीसँग बहस गर्छन्। उनलाई लामिछानेको कुरा सही लागेको छ। उनी भन्छन्, ‘विजेताहरुले कुनै पनि काम फरक ढंगले गर्छन् भनेको यही हो। जुन चाहिएको छैन, त्यो पहिले नै चाहिँदैन भन्छन् भएन त फरक।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चक्कु प्रहारबाट घाइते भएका अभिनेता सैफले उपचारका लागि गरे ३५ लाख ९५ हजारको बीमा दाबी

यू–१९ महिला विश्वकप: भारतको विजयी सुरुवात

एक सय ९५ किलो गाँजासहित पक्राउ