काठमाडौं– प्रतिनिधि सभा तथा प्रदेश सभा निर्वाचनका लागि शीर्ष नेता सहितका मतदाताले आइतबार बिहानैबाट मतदान गरेका छन्।
प्रमुख निर्वाचन आयुक्त दिनेश थपलियाले आइतबार बिहान भक्तपुरस्थित लोकन्थली, युनिक नेपाल एकेडेमी मतदान केन्द्रबाट मतदान गरेका छन्।
नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल (प्रचण्डले) चितवनको शिवपुरस्थित नेपाल प्रहरी विद्यालयको(क) केन्द्रबाट पहिलो मतदान गरेका छन्।
नेकपा एकीकृत समाजवादीका अध्यक्ष तथा पूर्वप्रधानमन्त्री माधवकुमार नेपालले रौतहटको गौर–४ स्थित कन्या प्रावि मतदान केन्द्रबाट मतदान गरेका छन्। नेपालले यही क्षेत्रबाट प्रतिनिधि सभा सदस्यका उम्मेदवार हुन्।
नेपाली कांग्रेसका महामन्त्री गगन कुमार थापाले काठमाडौंको मैतिदेवीस्थित मैतिदेवी मन्दिर केन्द्रबाट मतदान गरेका छन्। उनी काठमाडौं-४ का उम्मेदवार पनि हुन्।
यस्तै, माओवादी केन्द्रका उपमहासचिव वर्षमान पुन अनन्तले गृह जिल्ला रोल्पामा मतदान गरेका छन्। पुनले आइतबार बिहान ७:३०मा रोल्पा नगरपालिका-७ स्थित बालउदय मावि केन्द्रबाट मतदान गरेका हुन्।
पुन सत्तारुढ गठबन्धनका तर्फबाट रोल्पाबाट प्रतिनिधिसभा सदस्य उम्मेदवार छन्। नेकपा एकीकृत समाजवादीका अध्यक्ष माधवकुमार नेपालले रौतहटको गौरमा रहेको रामजानकी कन्या विद्यालय मतदान केन्द्रबाट मतदान गरेका छन्। रौतहट-१ का प्रतिनिधिसभा सदस्यका उम्मेदवार रहेका नेपालले सो मतदान केन्द्रबाट मतदान गरेका हुन्।
यस्तै, राष्ट्रिय सभा अध्यक्ष गणेशप्रसाद तिमिल्सिनाले आफ्नो गृह जिल्ला पर्वतको मोदी गाउँपालिका-७ राम्जाको पशुपति मावि केन्द्रबाट मतदान गरेका छन्। उनले पशुपति केन्द्रबाट बिहान ७:३०मा मतदान गरेका हुन्। नेकपा माओवादी केन्द्रका अध्यक्ष पुष्पकमल दाहाल प्रचण्डले चितवनको भरतपुर १४ नेपाल प्रहरी विद्यालयको 'क'बाट मतदान गरेका छन्। २०७४ मा चितवन-३ बाट निर्वाचित प्रचण्ड यसपटक गोरखाबाट उम्मेदवार भएका छन्।
यस्तै, निवर्तमान सभामुख अग्निप्रसाद सापकोटाले सिन्धुपाल्चोकको कुबिन्डेस्थित सेतिदेबि पन्चकन्या मावि मतदान केन्द्रबाट मतदान गरेका छन्। त्यस्तै, नेपाली कांग्रेसका नेता रामचन्द्र पौडेलले तनुहँको ब्यासस्थित सत्यवति माविको मतदानस्थलबाट मतदान गरेका छन्।
राष्ट्रिय स्वतन्त्र पार्टीका अध्यक्ष रवि लामिछानेले चावहिल महांकालको पानीट्यांकी मतदान केन्द्रमा मतदान गरेका छन्। मतदानका लागि उनी आइतबार बिहान ७ बज्नुअघि नै मतदानस्थल पुगेका थिए। मतदानपछि मतदानस्थलमा प्रतिक्रिया दिँदै उनले आफ्नो निर्वाचन क्षेत्र पनि रहेको चिवतन प्रस्थान गर्न लागेको बताए।
त्यस्तै, माओवादी केन्द्रको चुनाव चिह्न लिएर चुनावी मैदानमा उत्रिएकी मानुसी यमि भट्टराईले काठमाडौं-७ स्थित नरदेवीमा पुगेर मतदान गरेकी छन्।
त्यस्तै, नेकपा एमालेका सचिव योगेश कुमार भट्टराईले ताप्लेजुङ जिल्लाको मैवाखोला गाउँपालिका स्थित नारायणी मावी मतदान केन्द्रबाट मतदान गरेका छन्। भट्टराई एक मात्र निर्वाचन क्षेत्र रहेको उक्त जिल्लाको पार्टीको तर्फबाट उम्मेदवार छन्। नेकपा माओवादी केन्द्रकी नेता पम्फा भुसालले ललितपुर-३ को कुपण्डोल बागमती किनारामा रहेको मतदानस्थलमा मतदान गरेकी छन्।
यस्तै, नेकपा एकीकृत समाजवादी पार्टीकी नेतृ रामकुमारी झाँक्रीले गुल्मी मदाने-४ म्यालपोखरीको श्री मेहलेपोखरी मावि को मतदान केन्द्रबाट मतदान गरेकी छन्। नेपाल सरकारका अर्थमन्त्री तथा नेकपा माओवादी केन्द्रका उपमहासचिव जनार्दन शर्माले रुकुम पश्चिमबाट मतदान गरेका छन्।
शर्माले मुसिकोट नगरपालिका-५ सेरिगाउँस्थित श्री यमुनानन्द नमुना माध्यामिक विद्यालयमामा रहेको मतदान केन्द्रबाट मतदान गरेका हुन्।
नेपाली कांग्रेसका नेता प्रकाशमान सिंहले काठमाडौंको पकनाजोल स्थित युवक मावि केन्द्रबाट मतदान गरेका छन्। उनी काठमाडौं-१ का उम्मेदवार पनि हुन्।
यस्तै, नेपाली कांग्रेसका उपसभापति पूर्णबहादुर खड्काले सुर्खेतको गुर्भाकोट-८ स्थित सूर्य ज्योदी मावि मेहलकुनाबाट मतदान गरेका छन्। उनी सुर्खेत- १ बाट पार्टीको तर्फबाट उम्मेदवार रहेका छन्।
यस्तै, नेपाली कांग्रेसका नेता शेखर कोइरालाले विराटनगरस्थित आर्दश विद्यालयबाट मतदान गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1788274741.jpg)
-1786602170.png)
-1786513116.png)
