शीर्ष रिपब्लिकनहरूको भेलालाई सम्बोधन गर्दै ट्रम्प

विश्व

नेपाल लाइभ शनिबार, मंसिर ३, २०७९ १८:०९

एजेन्सी– सन् २०२४ मा राष्ट्रपतिको दौडमा पुनः भिड्ने तयारीको घोषणा गरेका अमेरिकाका पूर्वराष्ट्रपति डोनाल्ड ट्रम्पले आफ्नो पहिलो भाषणमार्फत ह्वाइट हाउसका सम्भावित प्रतिद्वन्द्वीहरूसहित यस सप्ताहन्तमा रिपब्लिकन पार्टीका वरिष्ठ नेताहरूको भेलालाई सम्बोधन गर्देछन्।

ट्रम्पको नाम लस भेगासमा शुक्रबार शुरु भएको रिपब्लिकन यहुदी गठबन्धनको वार्षिक नेतृत्व बैठकको अतिथि सूचीमा ढिलो थपिएको थियो।

ट्रम्प शनिबार भिडियोमार्फत शीर्ष वक्ताहरूको सूचीमा सामेल हुनेछन् जसमा फ्लोरिडाका गभर्नर रोन डेसेन्टिस, पूर्वउपराष्ट्रपति माइक पेन्स र पूर्वमन्त्री लगायतको सूची तयार छ। मार–ए–लागो घरमा एक घण्टा लामो सम्बोधनपछि आगामी राष्ट्रपतिको दौडका निम्ति उनको यो पहिलो सार्वजनिक सम्बोधन हुनेछ।

त्यो भाषण मध्यावधि चुनावमा रिपब्लिकन पार्टीको निराशाजनक प्रदर्शनको एक हप्तापछि आयोजित हुँदैछ।

नेतृत्वद्वारा समर्थित उच्च प्रोफाइल उम्मेदवारहरूले मतदानमा मुख्यधारमा रहेका रिपब्लिकनहरूभन्दा खराब प्रदर्शन गरेको टिप्पणी भइरहेको छ।

यद्यपि रिपब्लिकन पार्टीले प्रतिनिधि सभामा झिनो बहुमत हासिल गर्न मात्र सफल भएको छ।

शुक्रबार एक रात्रिभोज उत्सवपछि पोम्पीओले रिपब्लिकनहरूलाई अगाडि बढ्न आग्रह गरेका थिए।

उनले आफ्नो पुरानो नेतृत्वको नाम उल्लेख नगरे पनि गुनासो गर्ने भन्दा पनि काम गर्नुपर्ने आवश्यकताको बारेमा घुमाउँरो पाराले जोड दिएकाथिए।

“जब हामी रूढिवादी मुद्दा प्रस्तुत गर्छौं, जब हामी तर्क गर्छौं ... हामी त्यसो खुशी र मुस्कानका साथ गर्छौं“, उनले भने।
“हामी केवल मेसिनको बिरूद्ध काम गर्दैनौं ... हामी केवल फक्स न्युजमा जादैनौं वा ट्विटहरू पठाउँदैनौं, हामी वास्तवमा कडा मेहनत गर्छौं“, उनले भने।

रिपब्लिकनको कमजोर चुनावी प्रदर्शनका लागि आफूलाई दोष दिन अस्वीकार गर्ने ट्रम्पले सम्भावित राष्ट्रपतिका प्रतिद्वन्द्वीहरूका बारेमा आफ्नो परम्परागत बम फ्याँक्न शुरु गरिसकेका छन्। डेसेन्टिसलाई “रोन डिस्यान्टिमोनियस“ भनेर डब गर्दै र भर्जिनियाका गभर्नर ग्लेन यंगकिनको नाम “चिनियाँ सुनिन्छ“जस्ता टिप्पणी सार्वजनिक भएका छन्।

शनिबारको उपस्थिति पनि अमेरिकी न्याय विभागले ट्रम्पमाथिको आपराधिक अनुसन्धानको निरीक्षण गर्न एक स्वतन्त्र अभियोजकको नाम दिएपछि सार्वजनिक हुनेछ। जसमा उनका शीर्ष गोप्य कागजातहरू लुकाउने र जनवरी २०२१ मा अमेरिकी क्यापिटलमा भएको भीड आक्रमणमा उनको संलग्नता समावेश लगायतका आरोप छन्।

यस भेलामा इजरायलका प्रधानमन्त्री निर्वाचित बेन्जामिन नेतान्याहू पनि समावेश छन् र भेला आइतबारसम्म चल्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन