काठमाडौं- निर्वाचन पर्यवेक्षण समितिले मतदानपूर्वको अवस्था उत्साहजनक र शान्तिपूर्वक रहेको जनाएको छ। समितिले शुक्रबार पूर्व-पर्यवेक्षण प्रतिवेदन सार्वजनिक गर्दै सो कुरा बताएको हो।
विगतका अुनभवले यसपालि निर्वाचनको व्यवस्थापकीय पक्षमा सुधार भएको प्रतिवेदनमा उल्लेख छ। ‘विगतका निर्वाचनको अनुभवले अहिलेको निर्वाचनमा मतदाता नामावली,उम्मेदवार दर्ता, निर्वाचन आचारसंहिता पालना, सुरक्षा प्रबन्ध, मतपत्र, मतदान केन्द्र, मतदाता शिक्षा, कर्मचारी व्यवस्थापनमा सुधार भएको छ,’ जारी प्रतिवेदन उल्लेख छ।
यस्तै, प्रतिवेदन सार्वजनिक कार्यक्रममा बोल्दै पूर्वप्रधानन्यायाधीश सुशीला कार्कीले प्रतिनिधि र प्रदेश सभा निर्वाचनमा साँच्चै प्रजातन्त्रको सही प्रयोग भएको जस्तो आभास भएको बताएकी छन्।
‘अहिलेको निर्वाचन शान्त छ। नेपालमा यो विषयमा प्रगति भएको हो कि भन्ने लाग्छ। निर्वाचनपछि कस्तो वातावरण बन्ला पछिको कुरा हो। यो पटक निर्वाचन आयोगले कडा व्यवहार गर्नुपर्ने स्थानमा सबै काम गरेको छ। कडा व्यवहार गर्दा गुनासा देखिन्छन्। स्थानीय निर्वाचनमा नेपाली जनता अनुशासित लाग्यो। यो निर्वाचनमा प्रजातन्त्रको बाटो पहिल्याएको हो कि देखिन्छ। अहिले पैसाको चलखेल भन्ने कुरा बाहिर देखिएको छैन,’ कार्कीले भनिन्।
त्यस्तै,पूर्वप्रधानन्यायाधीश कल्याण श्रेष्ठले निर्वाचनको अवस्था निर्वाचनभन्दा अघिसम्म शान्त र नियमित दैनिकी स्थितिमा रहेको बताएका छन्।
उनले यस्तो वातावरणले निर्वाचनलाई आन्दोलित र विचलित गरिरहेको अवस्था नभएकारे स्थानीय तहको निर्वाचन भन्दा निर्वाचन प्रणाली विकसित र व्यवस्थित हुँदै गएको पनि बताएका छन्।
त्यस्तै, पूर्व निर्वाचन आयुक्त भोजराज पोखरेलले निर्वाचन व्यवस्थापनमा सुधार,राजनीतिक दलहरूले आचारसंहिताको बाटोमा हिँडेको र कर्मचारीहरूमा जागरुकता आएको बताएका छन्।
पोखरेलले निर्वाचनसम्बन्धी अफवाह फैलाउनसक्ने सामाजिक सञ्जालको दुरुपयोगलाई नियन्त्रण र नियमन गर्न भने जरुरी रहेको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
