ओलीको कटाक्ष- माधव नेपालको पार्टी बनेकै छैन, नबनी सकिन्छ

राजनीति

नेपाल लाइभ बुधबार, कात्तिक ३०, २०७९ १८:१५

काठमाडौं- नेकपा एमालेका अध्यक्ष केपी शर्मा ओलीले एकीकृत समाजवादी पार्टी र लोकतन्त्रिक समाजवादी पार्टी राष्ट्रिय दल नबन्ने दाबी गरेका छन्।

सुनसरीको लौकीमा भएको चुनावी सभालाई बुधबार सम्बोधन गर्दै अध्यक्ष ओलीले उक्त दाबी गरेका हुन्।

‘माधव नेपालको पार्टी त्यो पार्टी बनेकै छैन, नबनी सकिन्छ यो निर्वाचनमा। त्यो मंसिर ४ गतेसम्मको पार्टी हो। ठूला कुरा गर्ने ४ गतेसम्म हो। त्यसको आयु सिदियो, त्यो राष्ट्र पार्टी बन्दैन,’ ओलीले भने,‘लोसपा राष्ट्रिय पार्टी बन्नेवाला छैन। १,२ सिट जितेछ भने ठूलो कुरा हो,जित्तै जित्तैन। समानुपातिको मत कामै लाग्दैन। लोसपाले गलत बाटो लियो।’

लोसपाले मनोनयन दर्ता गर्नुपूर्व एमालेसँग गठबन्धनमा थियो। एमाले र जसपाबीच गठबन्धन बनेपछि लोसपाले सत्तागठबन्धनसँग चुनावी सहकार्य गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु